عالمی مارکیٹ میں سونے اور چاندی کی قیمتوں میں کمی

پاکستان نیوز پوائنٹ
عالمی مارکیٹ میں سونے اور چاندی کی قیمتوں میں کمی جبکہ خام تیل کی قیمتوں میں اضافے کا رجحان دیکھنے میں آ رہا ہے۔ رپورٹس کے مطابق سونے کی قیمت 35 ڈالر کمی کے بعد 4,718 ڈالر فی اونس تک آ گئی ہے، جبکہ چاندی بھی ایک ڈالر سے زائد سستی ہو کر 74 ڈالر فی اونس پر فروخت ہو رہی ہے۔دوسری جانب خام تیل کی قیمتوں میں اضافہ ریکارڈ کیا گیا ہے، جہاں امریکی خام تیل 3 فیصد اضافے کے ساتھ 97 ڈالر فی بیرل تک پہنچ گیا ہے، جبکہ برطانوی خام تیل 2.2 فیصد اضافے کے بعد 96.86 ڈالر فی بیرل پر ٹریڈ ہو رہا ہے۔ماہرین کے مطابق عالمی سطح پر معاشی اور سیاسی صورتحال کے باعث مختلف اشیاء کی قیمتوں میں اتار چڑھاؤ جاری ہے، جس کے اثرات آنے والے دنوں میں مزید واضح ہو سکتے ہیں۔