عالمی مارکیٹ میں سونے کے نرخوں میں اضافے کے بعد ملکی سطح پر بھی فی تولہ قیمت میں ہوشربا اضافہ ہوگیا

پاکستان نیوز پوائنٹ
عالمی مارکیٹ میں سونے کے نرخوں میں اضافے کے بعد ملکی سطح پر بھی فی تولہ قیمت میں ہوشربا اضافہ ہوگیااور فی تولہ نرخ 3 لاکھ 48 ہزار کی نئی بلند ترین سطح پر پہنچ گئے ۔عالمی مارکیٹ میں سونےکی قیمت46 ڈالر اضافے کے ساتھ3310 ڈالر فی اونس ہوگئی .جس کے اثرات مقامی مارکیٹ پر بھی پڑے اور ملک میں سونے کے فی تولہ نرخ 8600 روپے کے اضافے سے 3 لاکھ 48 ہزار روپے کی نئی بلند ترین سطح پر پہنچ گئے۔اسی طرح فی 10 گرام کی قیمت 10گرام سونےکی قیمت 7 ہزار 373 روپے اضافےکے بعد 2 لاکھ 98 ہزا ر353 روپے ہوگئی۔ گذشتہ روز بھی سونے کے نرخوں میں اضافہ ریکارڈ کیا گیا تھا. آل پاکستان صرافہ جیمز اینڈ جیولرز ایسوسی ایشن نے رپورٹ کیا کہ 24 قیراط کے حامل فی تولہ خالص سونے کا بھاؤ 600 روپے اضافے سے 3 لاکھ 39 ہزار 400 روپے تک جا پہنچا تھا۔