مقامی اور عالمی مارکیٹ میں سونے کی قیمتوں میں نمایاں اضافہ ریکارڈ کیا گیا ہے

پاکستان نیوز پوائنٹ
مقامی اور عالمی مارکیٹ میں سونے کی قیمتوں میں نمایاں اضافہ ریکارڈ کیا گیا ہے. پاکستان میں فی تولہ اور 10 گرام سونا نئی بلند سطح پر پہنچ گیا ہے۔مقامی صرافہ مارکیٹ ایسوسی ایشن کے مطابق فی 10 گرام سونا 9 ہزار 174 روپے مہنگا ہو کر 3 لاکھ 89 ہزار 456 روپے کا ہوگیا۔اسی طرح فی تولہ سونے کی قیمت میں 10 ہزار 700 روپے کا اضافہ ہوا .جس کے بعد سونے کی نئی قیمت 4 لاکھ 54 ہزار 262 روپے مقرر کی گئی ہے۔بین الاقوامی مارکیٹ میں بھی سونے کے نرخ اوپر چلے گئے۔ عالمی قیمت 107 ڈالر بڑھ کر 4 ہزار 319 ڈالر فی اونس ہوگئی ہے۔مقامی صرافہ ایسوسی ایشن کے مطابق سونا عالمی سطح پر بڑھتی اقتصادی بے یقینی کے باعث مسلسل اوپر جا رہا ہے. جس کے اثرات مقامی مارکیٹ پر بھی پڑ رہے ہیں۔