ملٹری ڈپلومیسی کی شاندار مثال اقوام عالم فیلڈ مارشل سید عاصم منیر کی قائدانہ صلاحیتوں کی معترف

پاکستان نیوز پوائنٹ
ملٹری ڈپلومیسی کی شاندار مثال اقوام عالم فیلڈ مارشل سید عاصم منیر کی قائدانہ صلاحیتوں کی معترف ہوگئی، عالمی جریدے واشنگٹن ٹائمز نے فیلڈ مارشل سید عاصم منیر کو مرد آہن قرار دے دیا۔ واشنگٹن ٹائمز کے مطابق فیلڈ مارشل سید عاصم منیر جنوبی ایشیا میں امریکی صدر ٹرمپ کے نئے اسٹریٹجک پارٹنر بن سکتے ہیں۔واشنگٹن ٹائمز کے مطابق فیلڈ مارشل سید عاصم منیر انتہائی مضبوط اعصاب کے مالک اور سخت فیصلے لینے کی بھرپور صلاحیت رکھتے ہیں۔ امریکہ میں فیلڈ مارشل کو جنوبی ایشیا کی سلامتی کیلئے بااثر ترین شخصیت کے طور پر دیکھا جاتا ہے۔امریکی جریدے میں کہا گیا کہ آرمی چیف ایک پیشہ ور، خاموش طبع، اورنظم و ضبط کے پابند فوجی افسر سمجھے جاتے ہیں۔ فیلڈ مارشل عاصم منیر کو خودنمائی اور سیاست میں دلچسپی نہیں ہے۔امریکی جریدے کے مطابق پاک بھارت کشیدگی کے دوران فیلڈ مارشل کی عوامی مقبولیت میں نمایاں اضافہ ہوا، فیلڈ مارشل عاصم منیر کی خوبیاں انہیں صدر ٹرمپ کے لیے ایک فطری شراکت دار بناتی ہیں۔واشنگٹن ٹائمز کی رپورٹ میں کہا گیا کہ بھارت سے بگڑتے تعلقات کے تناظر میں فیلڈ مارشل سید عاصم منیر کی ٹرمپ سے ملاقات زیادہ اہم ہے۔ صدر ٹرمپ نے مداخلت کر کے پاکستان اور بھارت میں جنگ بندی کرائی۔ علاوہ ازیں کہا گیا کہ پاکستان نے جنگ بندی پر ٹرمپ کا شکریہ اور مودی نے ثالثی کا انکار کیا، فیلڈ مارشل نے افغانستان اور ایران سے لاحق خطرات پر فوجی حکومت عملی میں اہم کردار ادا کیا۔جریدے نے لکھا کہ فیلڈ مارشل دہشت گرد تنظیموں کے خلاف مؤثر کارروائی کا مطالبہ کرتے ہیں۔ پاک امریکہ تعلقات انسداد دہشت گردی میں تعاون کے حوالے سے مزید مضبوط ہوئے ہیں۔امریکی جریدے میں مزید کہا گیا کہ پاکستان نے کابل ایئرپورٹ حملے کے ماسٹر مائنڈ کو گرفتار کر کے امریکہ کے حوالے کیا.صدر ٹرمپ نے دہشت گردی کے خلاف پاکستان کی کاوشوں کی تعریف کی، ٹرمپ انتظامیہ پاکستان کے ساتھ تعلقات کو بحال کرنے کے لیے سرگرم نظر آرہی ہے۔