ملک بھر میں سونے کی قیمت میں معمولی کمی ہوئی ہے

پاکستان نیوز پوائنٹ
آل پاکستان جیمز اینڈ جیولرز ایسوسی ایشن کا کہنا ہے کہ ملک بھر میں سونے کی قیمت میں معمولی کمی ہوئی ہے جس کے ساتھ فی تولہ 4 لاکھ 86 ہزار 500روپے کی سطح پر آگیا۔ پاکستان جیمز اینڈ جیولرز ایسوسی ایشن کے مطابق 24 قیراط کے حامل سونے کی فی تولہ قیمت میں آج 600 روپے کی کمی ہوئی .جس کے بعد سونے کی قیمت 4 لاکھ 86 ہزار 536روپے ہوگئی۔جیمز اینڈ جیولرز ایسوسی ایشن کے مطابق 24 قیراط کے حامل 10 گرام سونے کی قیمت بھی 514روپے کی کمی کے ساتھ 4 لاکھ 17 ہزار 126 روپے ہوگئی۔اسی طرح 22 قیراط کے حامل 10 گرام سونے کی قیمت میں بھی 471روپے کی کمی ریکارڈ کی گئی، جس کے بعد 10 گرام سونے کی نئی قیمت 3 لاکھ 82 ہزار 379 روپے کی سطح پر آگئی۔سونے کی طرح چاندی کی قیمت میں بھی کمی دیکھی گئی۔ 24 قیراط کی حامل چاندی کی فی تولہ قیمت 100روپے کی کمی سے 7 ہزار 279 روپے جبکہ 10گرام چاندی کی 86روپے کی کمی سے 6 ہزار 240 روپے ہوگئی۔بین الاقوامی سطح پر بھی سونے اور چاندی کی قیمت میں معمولی کمی ہوئی جہاں سونے کی فی اونس قیمت 6 ڈالرز کی کمی سے 4 ہزار 640 ڈالرز فی اونس جبکہ چاندی کی قیمت 1ڈالر کی کمی سے 68ڈالرز ہوگئی