منگولیا کے صدر کا فوجی یونٹ کا دورہ 100 کلو وزن اٹھا کر سب کو حیران کردیا

پاکستان نیوز پوائنٹ
منگولیا کے صدر اوکھناگین کھورلسوکھ نے فوجی یونٹ کے دورے کے دوران 100 کلوگرام وزن کے ساتھ بینچ پریس کے 20 ریپس مکمل کرکے وہاں موجود فوجی اہلکاروں کو حیران کردیا۔غیر ملکی میڈیا کے مطابق 58 سالہ صدر کھورلسوکھ نے فوجی یونٹ کے دورے کے دوران بینچ پریس کیا اور 100 کلوگرام وزن کے 20 ریپس مکمل کیے۔ان کی اس دورے کی ویڈیوسوشل میڈیا پر وائرل ہوگئی اور اس کے بعد صارفین نے کی جانب سے دلچسپ تبصروں کا سلسلہ شروع ہوگیا۔ وڈیو میں دیکھا جاسکتا ہے کہ اوکھناگین کھورلسوکھ بینچ پر لیٹ کر بھاری وزن اٹھا رہے ہیں اور مسلسل 20 مرتبہ بینچ پریس مکمل کرتے ہیں۔ اس موقع پر وہاں موجود فوجی اہلکار بھی ان کی جسمانی طاقت کا مظاہرہ دیکھتے رہے۔صدر کھورلسوکھ 2021 سے منگولیا کے صدر کے عہدے پر فائز ہیں۔ اس سے قبل وہ 2017 سے 2021 تک ملک کے وزیرِاعظم رہ چکے ہیں۔ وہ سابق فوجی افسر بھی ہیں اور منگولین پیپلز آرمی میں خدمات انجام دے چکے ہیں۔دلچسپ بات یہ ہے کہ صدر کھورلسوکھ کی شخصیت سیاست اور فوج تک محدود نہیں بلکہ غیر ملکی رپورٹس میں انہیں فٹنس اور مارشل آرٹس میں دلچسپی رکھنے والا شخص بھی بتایا گیا ہے۔ ان کے بارے میں یہ بھی رپورٹ ہوا ہے کہ وہ گٹار بجاتے ہیں اور راک موسیقی سے دلچسپی رکھتے ہیں۔