پاکستان اور بلوچستان لازم و ملزوم ہیں تاقیامت قائم و دائم رہیں گے وزیراعلیٰ بلوچستان

پاکستان نیوز پوائنٹ
وزیراعلیٰ سرفرازبگٹی نے کہا ہے کہ پاکستان اور بلوچستان لازم و ملزوم ہیں تاقیامت قائم و دائم رہیں گے۔سرفراز بگٹی نے 20ویں نیشنل ورکشاپ بلوچستان کے شرکا سے خطاب کرتے ہوئے کہا کہ سوشل میڈیا، تشدد اور دہشتگردوں کی آوازیں ریاست کیخلاف نفرت کو فروغ دے رہی ہیں. مخصوص حربوں کےذریعے ریاست پاکستان کو کمزور اور تقسیم کرنے کی سازشیں کی جا رہی ہیں۔سرفرازبگٹی نے کہا کہ صوبے میں غیرمتوازن ترقی تشدد کی بنیادی وجہ نہیں ہے تربت اوربلوچستان کےکئی علاقے ترقی یافتہ ہیں. کیا وہاں نام نہاد تحریکیں ختم ہو گئیں؟ ریاست مخالف عناصر ترقی کے لیے نہیں بلکہ بندوق کے زور پر اپنا نظریہ مسلط کرنا چاہتے ہیں۔ان کا کہنا تھا کہ ملک دشمن عناصر پاکستان کو کیک کی طرح ٹکڑوں میں تقسیم کرنا چاہتے ہیں. آئین پاکستان کے دائرے میں رہتے ہوئے ہر قسم کے مذاکرات کے لیے تیار ہیں ریاست کو توڑنے کی سوچ رکھنے والوں سے کسی قسم کی کوئی بات چیت نہیں ہو سکتی.ریاست ہر چیز سے مقدم ہے قومی سلامتی پر کسی صورت کوئی سمجھوتا نہیں کیا جا سکتا۔انہوں نے کہا کہ وطن عزیزکےدفاع اورسلامتی کےلیےاپنی جان قربان کرنےسےبھی دریغ نہیں کریں گے. گورننس پرشکایات ہوسکتی ہیں لیکن ملک کی سلامتی پر کوئی سمجھوتا نہیں ہو سکتا. نوجوانوں کا اعتمادبحال کرنے کے لیے اےآئی کے ذریعے میرٹ پر بھرتیاں یقینی بنائیں گے