یمنی حوثیوں کے سعودی عرب کے مختلف شہروں پر حملے 73 افراد زخمی

پاکستان نیوز پوائنٹ
یمن کی حوثی جماعت انصاراللہ نےسعودی عرب کے مختلف شہروں پرحملے کیے،سعودی اتحادی فورس کے مطابق حملوں میں73 افراد زخمی ہوئے، جن میں خواتین اور بچے بھی شامل ہیں۔ سعودی اتحادی فورس کے مطابق حوثیوں نے ابہا،خمیس مشیط، نجران اور جازان کو نشانہ بنایاگیا۔حملوں میں شہری اور اقتصادی تنصیبات کو بھی نقصان پہنچا۔ سعودی اتحادی فورس نے خبردار کیا ہے کہ سعودی عرب پر انصاراللہ کے حملوں کا سخت جواب دیا جائے گا۔دوسری جانب عرب میڈیا کے مطابق البیضا اورالجوف صوبوں میں حکومتی فورسزاور حوثیوں کے درمیان لڑائی شدت اختیار کرگئی ہے۔ ادھریمنی فورسز نے بھی حوثیوں کے خلاف جوابی کارروائیوں کا اعلان کردیا ہے۔یمنی نائب وزیر دفاع میجر جنرل سمیر الصبری کا کہنا ہے کہ حوثیوں سے صنعا دوبارہ حاصل کرنے کا فیصلہ کرلیا گیا ہے