پاکستان نیوز پوائنٹ
امریکا نے ایران کے ساتھ جاری عارضی جنگ بندی کے دوران خاموشی سے اپنے جدید تھاڈ اور پیٹریاٹ میزائل دفاعی نظام اردن میں نئی جگہوں پر منتقل کر دیے، تاہم 19 اپریل کو جاری ہونے والی چینی سیٹلائٹ تصاویر نے ان تمام سرگرمیوں کو بے نقاب کر دیا، جس سے خطے میں بدلتی ہوئی عسکری حکمت عملی اور نگرانی کے نئے چیلنجز سامنے آ گئے ہیں۔ڈیفینس سیکیورٹی ایشیا کی رپورٹ کے مطابق یہ اقدام مارچ میں ایران کے حملوں کے بعد کیا گیا، جن میں اردن کے موافق السالطی ایئربیس کے قریب تعینات تھاڈ سسٹم کو نقصان پہنچا تھا۔ اس کے بعد امریکا نے اپنی دفاعی پوزیشن کو ازسرِ نو ترتیب دینے کا فیصلہ کیا۔8 اپریل کو پاکستان کی ثالثی میں ہونے والی دو ہفتوں کی جنگ بندی نے امریکی محکمہ دفاع (پینٹاگون) کو حساس فوجی آلات جیسے لانچرز، ریڈار سسٹمز اور سپورٹ آلات کو محفوظ طریقے سے منتقل کرنے کا موقع فراہم کیا۔ تاہم چینی کمرشل سیٹلائٹ کمپنیوں نے جدید ٹیکنالوجی کے ذریعے ان نئی تنصیبات کی نشاندہی کر کے تصاویر جاری کر دیں۔
