فیلڈ مارشل سید عاصم منیرکاایرانی بندرگاہوں کی ناکہ بندی پر امریکی صدر سے رابطہ

پاکستان نیوز پوائنٹ
فیلڈ مارشل سید عاصم منیرکاایرانی بندرگاہوں کی ناکہ بندی پر امریکی صدر سے رابطہ،خبرایجنسی رائٹرز کے مطابق دونوں رہنماؤں کے درمیان یہ گفتگو ایک ٹیلیفونک رابطے کے دوران ہوئی ۔امریکی صدر ڈونلڈ ٹرمپ نے فیلڈ مارشل عاصم منیر کو یقین دہانی کرائی ہے کہ وہ ایرانی بندرگاہوں کی ممکنہ ناکہ بندی سے متعلق ان کے مؤقف پرغور کریں گے، جسے ایران کے ساتھ امن مذاکرات میں رکاوٹ سمجھا جا رہا ہے۔ دوسری جانب ذرائع کے مطابق امریکا اور ایران کے درمیان مذاکرات کا دوسرا راؤنڈ کل اسلام آباد میں ہونے جا رہا ہے۔ سفارتی ذرائع کا کہنا ہے کہ ایران بھی اس اہم مرحلے کے لیے آمادہ ہو گیا ہے۔امریکی وفد آج پاکستان پہنچے گا جبکہ ایرانی وفد کی آمد بھی کل تک متوقع ہے۔ دارالحکومت میں ہونے والے ان اہم مذاکرات کے لیے انتظامات کو حتمی شکل دے دی گئی ہے اور سکیورٹی سمیت دیگر معاملات مکمل کر لیے گئے ہیں۔