پاکستان نیوز پوائنٹ
وزیر دفاع خواجہ آصف نے ‘ ویگو ڈالے’ پر فوری پابندی لگانے کا مطالبہ کرتے ہوئے کہا کہ جو ڈالے کی ڈرائیونگ سیٹ پرہوتا ہے اس کے دماغ کو کچھ ہوجاتا ہےتفصیلات کے مطابق وزیر دفاع خواجہ آصف نے قومی اسمبلی کے اجلاس میں اپنی ہی حکومت کے وزرا اور سیکیورٹی پروٹوکولز پر کڑی تنقید کرتے ہوئے پارلیمنٹ لاجز میں ‘ویگو ڈالوں’ کے داخلے پر فوری پابندی لگانے کا مطالبہ کر دیا ۔وفاقی وزیر نے طنزیہ انداز میں گفتگو کرتے ہوئے ایوان سے اپیل کی کہ پارلیمنٹ لاجز کو ویگو ڈالے سے بچائیں۔خواجہ آصف نے ویگو گاڑی چلانے والوں پر تبصرہ کرتے ہوئے کہا کہ “جو شخص بھی ڈالے کی ڈرائیونگ سیٹ پر بیٹھتا ہے، پتہ نہیں کیوں اس کے دماغ کو کچھ ہو جاتا ہے، خدارا ان پر پابندی لگائی جائے۔”وزیر دفاع نے مزید کہا کہ جب ایوان کے 250 سے 300 ارکان اسمبلی کو کوئی خطرہ نہیں ہے تو وزرا کو آخر کیا خطرہ ہے؟انہوں نے اسپیکر سے کہا کہ وزرا کو سختی سے گائیڈ لائن دی جائے کہ شام کے وقت ان کی سرکاری گاڑیوں پر قومی جھنڈا نہیں ہونا چاہیے۔ان کا مزید کہنا تھا کہ “ہمارا تو یہ حال ہے کہ جب ہم اقتدار میں ہوں تو پروٹوکول کی گاڑیاں ہمارے آگے آگے ہوتی ہیں، اور جب ہم اقتدار میں نہ ہوں تو وہی پولیس ہمارے پیچھے پیچھے ہوتی ہے۔”وزیر دفاع کے ان جملوں پر ایوان میں زبردست قہقہے گونج اٹھے اور ارکانِ اسمبلی نے ڈیسک بجا کر ان کے اس سچ کا استقبال کیا۔
