اسٹاک ایکسچینج میں زبردست تیزی 100 انڈیکس میں 757 پوائنٹس کا اضافہ

پاکستان نیوز پوائنٹ
ایران اسرائیل جنگ بندی کے اعلان کے بعد اسٹاک ایکسچینج میں آج بھی زبردست تیزی دیکھی جاری ہے۔ پاکستان اسٹاک ایکسچینج میں آج صبح کاروبار کا مثبت رجحان رہا۔ پاکستان اسٹاک ایکسچینج 100 انڈیکس 757 پوائنٹس کے اضافے کے بعد ایک لاکھ 23 ہزار 4 پوائنٹس پر پہنچ گیا۔ واضح رہے کہ دو روز قبل مشرقِ وسطیٰ میں کشیدہ صورتحال کے سبب اسٹاک ایکسچینج میں کاروبار کا رجحان منفی رہا تھا۔ گزشتہ روز علی الصبح امریکی صدر ڈونلڈ ٹرمپ کی جانب سے ایران اور اسرائیل کے درمیان جنگ بندی کے اعلان کے بعد کاروبار میں مثبت رجحان دیکھا گیا تھا۔