آئی ایم ایف کیساتھ بجٹ مذاکرات شروع ٹیکسوں میں کمی پر بات ہو گی

پاکستان نیوز پوائنٹ
پاکستان اور آئی ایم ایف کے درمیان تکنیکی مذاکرات مکمل ہونے کے بعد پالیسی سطح کے بجٹ مذاکرات شروع ہو گئے ہیں۔مذاکرات میں پاکستان درآمدات و برآمدات پر ٹیکسوں میں کمی، رئیل سٹیٹ کو ریلیف اور تنخواہ دار طبقے پر ٹیکسوں کا بوجھ کم کرنے کی تجاویز آئی ایم ایف کے سامنے رکھے گا۔ذرائع کے مطابق آئندہ مالی سال 26-2025 کیلئے معاشی ترقی کا ہدف 4.4 فیصد جبکہ زرعی اور صنعتی شعبے کی ترقی کا ہدف 4.8 فیصد رکھنے کی تجویز دی گئی ہے۔اس کے علاوہ سروسز سیکٹر کا ہدف 4.3 فیصد مقررکرنے کی تجویز دی گئی ہے، ذرائع کا کہنا ہے کہ وزیراعظم کی ہدایت پر ایف بی آر انکم ٹیکس میں ریلیف کی کوشش کرے گا۔ 22 مئی تک تمام بجٹ تجاویز کو حتمی شکل دی جائے گی۔