ایران کا میزائل پروگرام اور قومی خود مختاری کے دفاع کیلئے مذاکرات کرنے سے انکار

پاکستان نیوز پوائنٹ
ایران نے میزائل پروگرام اور قومی خود مختاری کے دفاع کیلئے مذاکرات کرنے سے انکار کر دیا۔ عالمی میڈیا کی رپورٹ کے مطابق یہ بات ایرانی وزارتِ خارجہ کے ترجمان اسماعیل بقائی نے پریس کانفرنس کے دوران اسرائیلی اور امریکی میڈیا رپورٹس سے متعلق ایک سوال کے جواب میں کہی۔ رپورٹس میں دعویٰ کیا گیا تھا کہ ایران کے میزائل پروگرام پر دباؤ ڈالنے کے لئے اسرائیل کی جانب سے ممکنہ نئی فوجی کارروائی کی باتیں سامنے آرہی ہیں، اسماعیل بقائی نے کہاکہ ایران کی دفاعی صلاحیتیں ممکنہ جارحیت کو روکنے کے لئے ہیں اور ان پر کسی قسم کی سودے بازی یا بات چیت نہیں کی جا سکتی۔ ایرانی وزارت خارجہ کے ترجمان کا کہنا تھا کہ یہ پروگرام ایران کی قومی سلامتی کا لازمی جزو ہے، انہوں نے کہا کہ ایران کے میزائل پروگرام پر حالیہ میڈیا توجہ دراصل اسرائیل کی جانب سے امریکا اور بعض مخالف میڈیا اداروں کی مدد سے ایران کے خلاف جاری ’’ہائبرڈ وارقڑنر‘‘ فیئر کا حصہ ہے