تحریک خالصتان کے رہنما گرپتونت سنگھ پنوں نے باکستان کے ساتھ اظہار یکجہتی کا اعلان کر دیا

پاکستان نیوز پوائنٹ
تحریک خالصتان کے رہنما گرپتونت سنگھ پنوں نے باکستان کے ساتھ اظہار یکجہتی کا اعلان کر دیا۔بھارت کے اقلیتوں بالخصوص سکھوں پر مظالم سب پر عیاں ہیں۔ اور بھارت کی ریاستی دہشت گردی کے خلاف سکھ رہنما بھی بول پڑے ہیں۔رہنما تحریکِ خالصتان گرپتونت سنگھ پنوں نے اپنے ایک ویڈیو بیان میں کہا کہ باکستان کے ساتھ اظہار یکجہتی کرتے ہوئے کہا کہ ہم پاکستانی عوام کے ساتھ اینٹ کی طرح کھڑے ہیں۔ یہ نہ تو 1965 ہے نہ 1971۔ بلکہ یہ 2025 ہے۔انہوں نے کہا کہ ہم انڈین آرمی کو پنجاب سے گزر کر پاکستان پر حملہ نہیں کرنے دیں گے۔ پاکستان کا نام ہی پاک ہے۔ اور ہم 2 کروڑ سکھ پاکستان کے ساتھ کھڑے ہیں۔ بھارت کی اتنی ہمت نہیں کہ وہ پاکستان پر حملہ کرے۔گرپتونت سنگھ پنوں نے کہا کہ ہماری روایت ہے کہ نہ ہم نے کبھی پہلے حملہ کیا ہے اور نہ پہلے حملہ کریں گے۔ جس نے بھی حملہ کیا پھر وہ بچا نہیں۔ اور پھر چاہے اندرا گاندھی ہو نریندر مودی ہو یا امیت شاہ۔ ہم مودی، اجیت ڈول، امیت شاہ اور جے شنکر کو عالمی قوانین کے تحت کٹہرے میں کھڑا کریں گے۔انہوں نے کہا کہ پہلگام میں جو ہوا انہوں نے اپنے ہی ہندوؤں کو خود مار دیا۔ جبکہ اس حملے کا مقصد راج نیتی اور ووٹ کا حصول ہے۔