جھنگ اور چنیوٹ کو بچانے کیلئے رواز پل کو توڑنے کا فیصلہ

پاکستان نیوز پوائنٹ
چیف سیکرٹری پنجاب زاہد اختر زمان کی زیر صدارت پی ڈی ایم اے کمیٹی روم میں اہم اجلاس ہوا .جس میں جھنگ اور چنیوٹ کو بچانے کیلئے رواز پل کو توڑنے کا فیصلہ کیا گیا۔اجلا س میں ننکانہ، شیخوپورہ، ٹوبہ ٹیک سنگھ کے دریائی بیلٹ کے علاقوں کو فوری خالی کروانے کی ہدایات جاری کر دی گئی ہیں۔متاثرہ علاقوں میں تعلیمی اداروں کو ایک ہفتے کیلئے بند رکھنے پر غور کیا جارہا ہے، جبکہ کلینک آن ویلز کو سیلاب سے متاثرہ اضلاع میں فوری روانہ کرنے کے احکامات بھی جاری کر دیے گئے ہیں۔ڈی جی پی ڈی ایم اے نے اجلاس کو تفصیلی بریفنگ دیتے ہوئے کہا کہ دریائے چناب میں پانی کا بڑا ریلا جھنگ کی طرف بڑھ رہا ہے۔ڈی جی پی ڈی ایم اے نے بتایا کہمون سون بارشوں کے 9 ویں اسپیل کے دوران گوجرانوالہ، لاہور، راولپنڈی، سرگودھا، فیصل آباد ڈیرہ غازی خان، بہاولپور، بہاولنگر اور ساہیوال میں بارشیں ہوں گی۔بریفنگ میں مزید کہا گیا کہ راوی میں 2 لاکھ 17 ہزار کیوسک کاسیلابی ریلا آگے بڑھ رہا ہے. آئندہ چند گھنٹوں میں بہاو میں کمی متوقع ہے۔