پاکستان نیوز پوائنٹ
شہریوں کیلئے بڑی سہولت کا اعلان کرتے ہوئے نجی ایئرلائن فلائی جناح نے لاہور سےاسلام آباد کے درمیان براہِ راست پروازیں شروع کرنے کا فیصلہ کر لیا ہےایئرلائن کے مطابق یکم مئی 2026 سے لاہور اور اسلام آباد کے درمیان روزانہ دوطرفہ 2 پروازیں آپریٹ کی جائیں گی، جس سے مسافروں کو تیز اور آسان سفری سہولت میسر آئے گی۔یہ پروازیں جدید فلائی جناح ائیربس اے320 طیارے کے ذریعے چلائی جائیں گی، جبکہ فلائٹ کا دورانیہ تقریباً 45 منٹ ہوگا۔کرایوں کے حوالے سے بھی مسافروں کو ریلیف دیا گیا ہے، اور لاہور سے اسلام آباد کا یک طرفہ ٹکٹ 9 ہزار 999 روپے مقرر کیا گیا ہے۔ایئرلائن حکام کا کہنا ہے کہ اس نئے روٹ کے آغاز سے دونوں بڑے شہروں کے درمیان سفر مزید سہل اور وقت کی بچت ممکن ہو سکے گی۔
