نواز شریف پانچ سال پورے کرتے تو آج حالات مختلف ہوتے خواجہ آصف

پاکستان نیوز پوائنٹ
وزیر دفاع خواجہ آصف نے کہا ہے کہ اگر نواز شریف اپنی مدتِ وزارتِ عظمیٰ کے پانچ سال مکمل کر لیتے تو آج ملک کی صورتحال بالکل مختلف ہوتی۔پروگرام میں گفتگو کرتے ہوئے خواجہ آصف نے کہا کہ یہ تاثر غلط ہے کہ نواز شریف اپنے نظریات سے ہٹ گئے ہیں، دراصل نظریات کو عملی شکل دینے کا وقت آگے پیچھے ہوسکتا ہے۔ ان کے مطابق نواز شریف کے دورِ حکومت میں تمام معاشی اشاریے درست سمت میں جا رہے تھے۔ وزیر دفاع نے کہا کہ موجودہ حکومت کی توجہ معیشت، استحکام اور خارجہ پالیسی پر ہے اور ہماری سمت کا تعین ہوچکا ہے۔اپنی گفتگو میں انہوں نے یہ بھی کہا کہ ان کی بات سے وزیراعظم شہباز شریف کو کوئی مسئلہ نہیں ہوگا۔ مریم نواز کو انہوں نے اپنی بیٹی قرار دیتے ہوئے کہا کہ وہ مسلم لیگ (ن) کا مستقبل ہیں اور بطور وزیراعلیٰ پنجاب بہترین کام کر رہی ہیں۔