وزیر دفاع خواجہ آصف نے واضح کیا ہے کہ اگر بھارت نے دراندازی یا حملے کی کوشش کی تو پاکستان متناسب سے بڑھ کر بھرپور جواب دے گا

پاکستان نیوز پوائنٹ
وزیر دفاع خواجہ آصف نے واضح کیا ہے کہ اگر بھارت نے دراندازی یا حملے کی کوشش کی تو پاکستان متناسب سے بڑھ کر بھرپور جواب دے گا روسی میڈیا کو انٹرویو دیتے ہوئے خواجہ آصف نے کہا کہ اگر بھارت کشیدگی نہیں بڑھائے گا تو پاکستان بھی فوجی کارروائی سے گریز کرے گا ہم امن کے خواہاں ہیں اور کسی بھی قسم کی پہل نہیں کرنا چاہتے مگر کسی بھی جارحیت کا منہ توڑ جواب دیا جائے گا ایک نجی پروگرام میں گفتگو کرتے ہوئے وزیر دفاع نے کہا کہ بھارت کی جانب سے خطرہ اب بھی موجود ہے بھارت نے ایسے ہی ڈرامہ بازی نہیں کی پہلگام حملے کی حقیقت پر بڑا سوالیہ نشان موجود ہے ہم ایک ایسے دشمن کا سامنا کر رہے ہیں جس پر کبھی اعتبار نہیں کیا جا سکتا خواجہ آصف نے کہا کہ اصل دہشتگرد مودی خود ہے جس پر امریکا اور کینیڈا نے دہشتگردی کے الزامات لگائے ہیں اور مودی نے آج تک ان الزامات کی تردید بھی نہیں کی وفاقی وزیر دفاع نے کہا کہ بلوچستان اور خیبرپختونخوا میں جاری بدامنی میں بھارت کا ہاتھ ہے بھارت خطے میں عدم استحکام پیدا کرنے کی سازشوں میں مصروف ہے خواجہ آصف کا کہنا تھا کہ اگر بھارت وزیراعظم پاکستان کی مذاکرات کی پیشکش قبول کرتا ہے تو یہ خوش آئند ہوگا تاہم فی الحال کشیدگی میں کوئی نمایاں کمی نہیں آئی ہے خواجہ آصف نے کہا کہ چین ہمارا قریبی ہمسایہ ہے اور وہ خطے کے تمام معاملات کو بخوبی سمجھتا ہے وزیراعظم پاکستان نے عالمی برادری کو پیشکش کی ہے کہ دنیا کا کوئی بھی ملک پہلگام واقعہ کی شفاف تحقیقات کرے تاکہ حقیقت سب کے سامنے آ جائے