وفاقی وزیر داخلہ محسن نقوی سے امریکی سفیر نیٹلی بیکر کی ملاقات

پاکستان نیوز پوائنٹ
وفاقی وزیر داخلہ محسن نقوی سے امریکی سفیر نیٹلی بیکر نے ملاقات میں مشرق وسطیٰ کی موجودہ صورتحال پرتبادلہ خیال کیاہے۔ امریکی سفیر نے جنگ بندی کا خیر مقدم کرتے ہوئے پاکستان کے مضبوط اور مثبت سفارتی کردار کو سراہا۔اسلام آباد میں ہونے والے اعلیٰ سطح کے مذاکرات اوران کے انتظامات پر بھی تبادلہ خیال کیا گیا۔ وزیرداخلہ محسن نقوی نے کہا کہ امریکی نائب صدر جے ڈی وینس ، اسٹیووٹکوف اورجیرڈ کرشنر ہمارے خصوصی مہمان ہوں گے۔تمام غیر ملکی وفود کے لیے فول پروف سیکیورٹی فراہم کرنے کا جامع پلان تیار کر لیا گیا ہے۔ امریکی سفیر نیٹلی بیکر نے پاکستان کے مخلصانہ کردار اور خطے میں امن کے لیے کوششوں کو سراہتے ہوئے مثبت پیش رفت کی امید ظاہر کی۔