وہ ڈاکٹر جس نے موسیقی میں نام بنانے کیلئے اپنا شعبہ چھوڑ کر فوڈ ڈیلیوری کا کام شروع کر دیا

پاکستان نیوز پوائنٹ
چین میں ایک ڈاکٹر نے اپنی بہترین ملازمت چھوڑ کر فوڈ ڈیلیوری کا کام شروع کر دیا تاکہ موسیقی کے شعبے میں نام بناسکے۔
جی ہاں واقعی 31 سالہ لیو زیان کا تعلق چین کے صوبے گوانگ ڈونگ کے علاقے Zhuhai سے ہے۔انہوں نے میڈیسن کے شعبے میں پی ایچ ڈی مکمل کیا تھا اور فروری 2026 میں اسپتال کی ملازمت چھوڑ دی۔وہ وہاں ماہر نفسیات اور محقق کے طور پر کام کرتی تھیں جو کہ اس شہر کے طبی نظام کا سب سے معتبر اسپتال ہے۔لیو زیان اپنی زندگی کے 30 برسوں کو اہلیت پر مبنی زندگی قرار دیتے ہیں۔ان کی پرورش تعلیمی لحاظ سے چین کے سب سے زیادہ مسابقتی علاقوں میں سے ایک صوبہ Hebei میں ہوئی۔ان کا داخلہ سیچوان یونیورسٹی کے میڈیکل اسکول میں ہوا اور مکاؤ یونیورسٹی سے پی ایچ ڈی کی ڈگری حاصل کی۔2022 میں انہوں پی ایچ ڈی کی ڈگری حاصل کی جبکہ Zhuhai کے اسپتال میں اچھی پوزیشن بھی حاصل کرلی۔مگر بتدریج انہیں لگا کہ کام کا روایتی ماحول ان کے لیے بہت مشکل ہے۔مگر انہیں ملازمت چھوڑنے کا فیصلہ کرنے میں 2 سال کا عرصہ لگا۔ان کے مطابق ڈاکٹر کے طور پر کام کرنا ایسی زندگی نہیں، جس کی انہیں خواہش تھی۔ملازمت چھوڑنے کے بعد سب سے پہلے انہوں نے سفر کیا، پھر ناشتہ فروخت کرنا شروع کیا اور ہوٹلوں میں گانا گایا۔انہوں نے کہا کہ جز وقتی ملازمتیں کرتے ہوئے آزاد زندگی گزارنے کا تجربہ بہت اچھا ہے اور اب اگلے دن کی منصوبہ بندی یا ماہانہ آمدنی کا تخمینہ لگانے کی ضرورت برقرار نہیں رہی۔لیو زیان ابھی بھی جز وقتی طور پر ماہر نفسیات کے طور پر پریکٹس جاری رکھے ہوئے ہیں۔ان کا کہنا تھا کہ والدین کو پی ایچ ڈی کی ڈگری اور ڈاکٹر کی حیثیت پر فخر تھا مگر اب وہ کیرئیر بدلنے پر الجھن کا شکار ہیں، مگر بتدریج وہ قائل ہوتے جا رہے ہیں۔وہ موسیقی کی دنیا میں نام بنانے کا خواب دیکھتی ہیں جبکہ فلم کے شعبے میں بھی قدم رکھنا چاہتی ہیں۔