پاکستان نے اقوام متحدہ کی سلامتی کونسل کی صدارت سنبھال لی

پاکستان نیوز پوائنٹ
پاکستان نے جولائی 2025 کے لیے اقوام متحدہ کی سلامتی کونسل کی صدارت سنبھال لی ہے جو کہ عالمی سطح پر ایک اہم سفارتی پیش رفت قرار دی جا رہی ہے نائب وزیراعظم اور وزیر خارجہ اسحاق ڈار نے اس موقع پر کہا کہ پاکستان یہ ذمہ داری عاجزانہ طور پر اقوام متحدہ کے چارٹر اور بین الاقوامی قوانین کے تحت نبھائے گا انہوں نے کہا کہ پاکستان کی صدارت ایک ایسے وقت میں آئی ہے جب دنیا مختلف تنازعات اور انسانی بحرانوں کا سامنا کر رہی ہے پاکستان کی کوشش ہوگی کہ سلامتی کونسل کو بات چیت اور سفارت کاری کے ذریعے مؤثر کارروائی کی طرف لے جایا جائے اسحاق ڈار نے مزید بتایا کہ اس ماہ فلسطین کے مسئلے پر سہ ماہی کھلی بحث کی صدارت کی جائے گی جبکہ دو اعلیٰ سطحی دستخطی پروگراموں کی بھی میزبانی کی جائے گی جن میں پہلا اجلاس عالمی امن کے فروغ اور تنازعات کے پرامن حل پر مبنی ہوگا اور دوسرا اجلاس اقوام متحدہ اور اسلامی تعاون تنظیم او آئی سی کے باہمی تعاون کے حوالے سے ہوگا واضح رہے کہ یہ سلامتی کونسل کے پندرہ رکنی ادارے میں پاکستان کی آٹھویں مدت ہے جبکہ 2013 کے بعد یہ پہلا موقع ہے کہ پاکستان نے صدارت سنبھالی ہے پاکستان نے جنوری 2025 میں غیر مستقل رکن کے طور پر اپنی موجودہ دو سالہ مدت کا آغاز کیا تھا جو دسمبر 2026 تک جاری رہے گی اقوام متحدہ میں پاکستان کے مستقل مندوب عاصم افتخار احمد نے بھی اس موقع پر اپنے خیالات کا اظہار کرتے ہوئے کہا کہ پاکستان ایک ایسے وقت میں یہ ذمہ داری سنبھال رہا ہے جب دنیا غیر یقینی حالات بڑھتے ہوئے تنازعات اور عالمی امن کو درپیش خطرات سے دوچار ہے انہوں نے کہا کہ پاکستان اپنی صدارت کے دوران شفافیت شمولیت اور مؤثر سفارت کاری کو فروغ دے گا اور دیگر ارکان کے ساتھ قریبی تعاون کے تحت اجتماعی فیصلوں کی راہ ہموار کرے گا تاکہ اقوام متحدہ کے منشور اور عالمی برادری کی توقعات پر پورا اترا جا سکے