پاکستان نے مقبوضہ کشمیر میں را کی سرگرمیوں کا پردہ چاک کردیا

پاکستان نیوز پوائنٹ
پاکستانی انٹیلی جنس اداروں نے مقبوضہ کشمیر میں بھارتی خفیہ ایجنسی را کے مذموم عزائم سے پردہ اٹھاتے ہوئے انکشاف کیا ہے کہ مختلف مقامات پر غیر مقامی دہشت گردوں کی سرگرمیاں جاری ہیں جنہیں پاکستان اور کشمیری عوام کے خلاف استعمال کرنے کی منصوبہ بندی کی جا رہی ہے ذرائع کے مطابق ان دہشت گردوں کو بدنام زمانہ را کی مکمل پشت پناہی حاصل ہے اور یہ قابض بھارتی افواج کے مورچوں اور اڈوں کے قریب کھلے عام سرگرم دکھائی دے رہے ہیں ان کی نقل و حرکت پر گہری نظر رکھی جا رہی ہے اور شواہد سے یہ بات بھی سامنے آئی ہے کہ انہیں قابض افواج کے ٹریننگ ایریاز کے اطراف میں دیکھا گیا ہے اس کے ساتھ ساتھ لائن آف کنٹرول سے ملحقہ جنگلات میں قائم خفیہ مراکز میں ان کی سرگرمیوں کی نشاندہی بھی کی گئی ہے انٹیلی جنس ذرائع کا کہنا ہے کہ ان غیر مقامی دہشت گردوں کو پشتو اور دری زبان میں بات کرتے ہوئے سنا گیا ہے جس سے یہ واضح ہوتا ہے کہ یہ غیر ملکی کرائے کے قاتل ہیں جو یا تو کشمیری مجاہدین کے خلاف استعمال کیے جائیں گے یا پھر پاکستان کے خلاف فالس فلیگ آپریشنز کے لیے بروئے کار لائے جائیں گے پاکستان نے اس صورتحال پر جامع رپورٹ تیار کر کے عالمی برادری اور دوست ممالک کے ساتھ شیئر کر دی ہے جس میں مقبوضہ کشمیر میں قائم مشکوک کیمپس اور غیر ملکی عناصر کی موجودگی پر سوال اٹھانے کا مطالبہ کیا گیا ہے مراسلے میں واضح کیا گیا ہے کہ عالمی برادری را کے مذموم عزائم پر گہری نظر رکھے اور اس کے خطرناک منصوبوں کو بے نقاب کرنے میں کردار ادا کرے پاکستانی انٹیلی جنس اداروں نے اس بات پر بھی زور دیا ہے کہ مراسلے کا مقصد دنیا کو بھارت کی نئی سازش سے باخبر رکھنا ہے کیونکہ یہ منصوبہ کشمیری عوام کے بنیادی حقوق دبانے اور خطے کے امن کو سبوتاژ کرنے کے لیے تیار کیا جا رہا ہے اس حوالے سے پاکستان کی ایجنسیاں مسلسل خفیہ کیمپوں پر نظر رکھے ہوئے ہیں تاکہ کسی بھی ممکنہ خطرے کو ناکام بنایا جا سکے