اردو نیوز اپڈیٹس

پاکستان پُرامن اور مستحکم افغانستان کا خواہاں ہے افغان حکام پڑوسی ملکوں کے سکیورٹی خدشات دور کریں اسحاق ڈار

پاکستان نیوز پوائنٹ
نائب وزیراعظم و وزیر خارجہ اسحاق ڈار نے کہا ہے کہ پاکستان ایک پُرامن، خوشحال اور مستحکم افغانستان کا خواہاں ہے جو وسیع تر علاقائی ڈھانچے کا مکمل حصہ ہو اور اپنے ساتھ ساتھ تمام پڑوسی ممالک کے ساتھ بھی امن سے رہے۔ اسحاق ڈار نے اقتصادی تعاون تنظیم کی وزرائے خارجہ کونسل کے 30 ویں اجلاس سے خطاب کرتے ہوئے کہا کہ بامعنی پیش رفت کے لیے ضروری ہے کہ افغان حکام پڑوسی ممالک کے جائز سکیورٹی خدشات کو دور کریں۔ انہوں نے دہشتگردی کے خطرے سے نمٹنا اور ایک محفوظ و مستحکم ماحول قائم کرنے کو علاقائی اقتصادی شراکت داریوں کو برقرار رکھنے کے لیے انتہائی ناگزیر قرار دیا اور کہا کہ پاکستان مکالمے، کشیدگی میں کمی اور دیرپا علاقائی استحکام کی حمایت میں اپنی یہ سفارتی کوششیں جاری رکھے گا۔ نائب وزیراعظم و وزیر خارجہ نے مزید کہاکہ خطے میں غیر یقینی صورتحال اور تیزی سے بدلتی ٹیکنالوجی کے پیش نظر علاقائی روابط مزید مستحکم بنانے ہوں گے۔ ان کا کہنا تھا پاکستان ای سی او چارٹر میں درج اصولوں، مقاصد اور وژن کے لیے پُرعزم ہے اور بانی رکن کی حیثیت سے علاقائی تعاون کو خصوصی اہمیت دیتا ہے۔ انہوں نے کہا کہ خود مختاری کی برابری، باہمی احترام، عدم مداخلت اور باہمی مفاد پر مبنی تعاون تنظیم کے رہنما اصول ہیں۔ نائب وزیراعظم کے مطابق جنوبی ایشیا، وسطی ایشیا اور مغربی ایشیا کے سنگم پر واقع ہونے کے باعث خطہ منفرد جغرافیائی اہمیت رکھتا ہے جہاں اہم منڈیاں، وافر قدرتی وسائل اور تجارت کی تاریخی بنیادیں موجود ہیں۔ انہوں نے کہا کہ جغرافیائی برتری کو مضبوط اقتصادی روابط اور مشترکہ خوشحالی میں تبدیل کرنے کی کوشش کرنا ہوگی، خطے کی معاشی ترقی کے لیے اقدامات اور مشترکہ طور پر درپیش چیلنجز کا مقابلہ کرنا ضروری ہے جبکہ باہمی تعاون سے ترقی کی نئی راہیں کھلیں گی۔ اسحاق ڈار نے کہا کہ پاکستان 2026 اور 2027 کے لیے ای سی او کی صدارت سنبھالنے پر فخر محسوس کرتا ہے اور اس مدت کو نتیجہ خیز اور بامقصد بنانے کے لیے پُرعزم ہے۔ اس سے پہلے اجلاس کے آغاز پر نائب وزیراعظم اسحاق ڈار نے مہمانوں کا استقبال کیا، مہمان وفود کے سربراہان کی آمد کے بعد یادگاری گروپ فوٹو بھی بنوایا۔

Faisal Bukhari

Recent Posts

غیر محتاط الزام تراشی انسانی زندگیوں کیلئے خطرہ بن سکتی ہے صدر وزیر اعظم

پاکستان نیوز پوائنٹ صدر مملکت آصف علی زرداری اور وزیراعظم شہباز شریف نے کہا ہے…

1 hour ago

وزیراعظم محمد شہباز شریف سے چھوٹے اور درمیانے درجے کے کاروبار سے وابستہ برآمد کنندگان کے وفد کی ملاقات

پاکستان نیوز پوائنٹ وزیراعظم محمد شہباز شریف نے چھوٹے اور درمیانے درجے کے کاروبار (ایس…

2 hours ago

ایرانی وزیرخارجہ عباس عراقچی وفد کے ہمراہ اسلام آباد پہنچ گئے

پاکستان نیوز پوائنٹ ایران کے وزیرخارجہ عباس عراقچی وفد کے ہمراہ اسلام آباد پہنچ گئے۔…

2 hours ago

ملک میں سونے اور چاندی کی قیمتوں میں کمی ریکارڈ

پاکستان نیوز پوائنٹ ملک میں سونے اور چاندی کی قیمتوں میں کمی ریکارڈ۔ آل پاکستان…

2 hours ago

دنیا میں پہلی بار انکشاف زہریلے اور نشہ آور میجک مشروم نے سائنسدانوں کو حیران کر دیا

پاکستان نیوز پوائنٹ قدرتی دنیا میں پائی جانے والی بعض کھمبیاں انسانی صحت کے لیے…

2 hours ago

لاس اینجلس اولمپکس کرکٹ کی 128 سال بعد اولمپکس میں واپسی

پاکستان نیوز پوائنٹ کرکٹ کی 128 سال بعد اولمپکس میں واپسی ہوگئی ، لاس اینجلس…

2 hours ago