پاکستان کی معشیت مشکل وقت سے نکل آئی ہے وزیراعظم شہبازشریف

پاکستان نیوز پوائنٹ
لندن میں وزیراعظم شہبازشریف نے سمندر پار پاکستانیوں سے گفتگو کرتے ہوئے کہا ہچکولےکھاتی معیشت تلاطم خیز موجوں سے نکل آئی ہے وزیراعظم کا کہنا تھا کہ سفارتی ،معاشی اور عسکری میدان میں پاکستان نے کامیابیاں حاصل کیں،پاکستان نے بھارت کیخلاف جنگ جیتی، کرکٹ کی ٹٰیم ہو تو 11 کھلاڑیوں کا ایک ہی کپتان ہوتا ہے ، کھلاڑی کچھ نہ کریں تو اکیلا کپتان کچھ نہیں کرسکتا ، ٹیم ورک سے ہی مشکلات پر قابو پایا جاسکتا ہے ، خلوص دل سے کام ، باہمی اشتراک ، مشاورت ہو تو اللہ کا کرم ہوتا ہے ۔ وزیر اعظم نے کہا پاکستان کی معاشی کشتی 2،3 سال پہلے ہچکولے کھا رہی تھی ،آج پاکستان کی معشیت مشکل وقت سے نکل آئی ہے ، ملکی معاشی استحکام ، محنت ٹیم ورک کا نتیجہ ہے ۔ وزیراعظم نے کہا ملکی معشیت کی بہتری میں اوور سیز پاکستانیوں کا اہم کردار ہے ، پاکستان نے بھارت کیخلاف جنگ جیتی،پاکستان نے بھارت کو شکست فاش دی،غزہ میں جلد سے جلد ظلم کا خاتمہ ہونا چاہیے، ٹرمپ کی سربراہی میں اجلاس ہوا جس پر غزہ پر بات کی گئی ، ٹرمپ سے غزہ سے متعلق اجلاس کے نتائج جلد سامنے آئیں گے ، غزہ میں خواتین اور بچے شہید ہورہے ہیں ،واشنگٹن میں امریکی صدر ٹرمپ سے پہلی اور مفید ملاقات ہوئی ، امریکی صدر ٹرمپ سے ملاقات اچھے ماحول میں ہوئی ، ملاقات سے امریکا پاکستان کے تعلقات مزید مضبوط ہوں گے ،اقوام متحدہ میں پاکستانیوں کے جذبات کی ترجمانی کی کوشش کی ، ٹرمپ سے مسلم ممالک نے ملاقات کی جس میں پاکستان بھی شامل تھا ،اقوام متحدہ میں کشمیر کا مقدمہ لڑ کر آیا ہوں ،پاکستان کو دنیا بھر میں عزت ملی ہے ۔