پہلگام واقعے کے بعد بھارت سائبر دہشتگردی پر اتر آیا. مختلف پاکستانی وزارتوں پر سائبر حملے کر ڈالے

پاکستان نیوز پوائنٹ
پہلگام واقعے کے بعد بھارت سائبر دہشتگردی پر اتر آیا. مختلف پاکستانی وزارتوں پر سائبر حملے کر ڈالے۔ وفاقی وزیر آئی ٹی شزہ فاطمہ نے کہا کہ بھارت کی جانب سے پاکستان کی مختلف وفاقی وزارتوں پر سائبر حملے کیے گئے. جنہیں کامیابی سے ناکام بیا دیا گیا۔شزہ فاطمہ کے مطابق بھارت کے سائبر حملوں سے نہ تو کوئی بہت بڑا مسئلہ آیا اور نہ ہی سائبر حملوں کا کوئی اثر ٹیلی کام پر آیا. وفاقی وزارتوں کی ویب سائٹس کی ہوسٹنگ این ٹی سی پر ہے. این ٹی سی کے پاس سائبر سیکورٹی کا بہترین سسٹم ہے۔انہوں نے کہا کہ قومی اور صوبائی سطح پر کمپیوٹر ایمرجنسی رسپانس ٹیمز تشکیل دی جاچکی ہیں، جو وفاقی اور صوبائی سائبر سیکورٹی کے حوالے سے شہریوں کو آگاہی دے رہی ہیں. اس کے علاوہ کمپیوٹر ایمرجنسی رسپانس ٹیمز کی جانب سے ایڈوائزریاں جاری کی جارہی ہیں. سائبر حملوں سے متعلق این ٹی آئی ایس بی بھی فعال ہے۔شزہ فاطمہ نے بتایا کہ پاکستان سائبر سیکورٹی کے لحاظ سے ٹاپ ممالک کی فہرست میں شامل ہے، گزشتہ دو سالوں میں پاکستان سائبر سیکورٹی کے لحاظ سے ٹاپ ٹین ممالک میں آیا ہے، جبکہ پاکستان کا نام امریکہ، یو کے اور ان جیسے ممالک کی فہرست میں آیا ہے۔ انہوں نے یہ بھی کہاکہ سوشل میڈیا پر ہونے والی جنگ پر پاکستانی نوجوانوں کو داد دیتی ہوں. پاکستانی میمز بنا کر پاک بھارت کشیدگی کو انجوائے کر رہے ہیں. لوگ سوشل میڈیا پر اتنی کشیدہ صورتحال کو بھی اپنے انداز میں بیان کررہے ہیں۔شزہ فاطمہ نے مزید یہ بھی کہاکہ ہم پاکستانی کسی ڈرنے والے نہیں ہیں. پاکستان نے ہمیشہ امن کی بات کی ہے. پاکستان نے پہلگام واقعے کی مذمت کی ہے. پاکستان خود دہشتگردی سے متاثر ہے۔