کاروباری ہفتے کے چوتھے روز ملک بھر میں سونے کی قیمت میں بڑا اضافہ ریکارڈ کیا گیا ہے

پاکستان نیوز پوائنٹ
کاروباری ہفتے کے چوتھے روز ملک بھر میں سونے کی قیمت میں بڑا اضافہ ریکارڈ کیا گیا ہے۔آل پاکستان صرافہ جیمرز اینڈ جیولرز ایسوسی ایشن کے مطابق ملک بھر میں سونے کی فی تولہ قیمت میں 11 ہزار 200 روپے کا اضافہ ریکارڈ کیا گیا ہے۔ جس کے بعد فی تولہ سونے کی قیمت 4 لاکھ 65 ہزار 236 روپے ہو گئی۔10 گرام سونے کی قیمت میں 9 ہزار 602 روپے اضافہ ہوا۔ جس کے بعد 10 گرام سونے کی نئی قیمت 3 لاکھ 98 ہزار 864 روپے ہو گئی۔چاندی کی فی تولہ قیمت میں بھی 185 روپے کا اضافہ ہوا جس کے بعد چاندی کی فی تولہ قیمت 7 ہزار 44 روپے ہو گئی۔دوسری جانب انٹرنیشنل مارکیٹ میں فی اونس سونا 112 ڈالر مہنگا ہوکر 4427 ڈالر کا ہو گیا۔واضح رہے کہ سونے کی قیمت میں گزشتہ روز بڑی کمی ریکارڈ کی گئی تھی۔ گزشتہ روز 2 ستمبر کو فی تولہ سونے کی قیمت میں 11 ہزار 300 روپے کی کمی ہوئی تھی۔ جس کے بعد فی تولہ سونا 4 لاکھ 54 ہزار 36 روپے کا ہو گیا تھا۔گزشتہ روز سونے کی فی تولہ قیمت میں کمی کے بعد 10 گرام سونے کی قیمت بھی کم ہوئی تھی۔ 10 گرام سونا 9 ہزار 688 روپے کمی کے بعد 3 لاکھ 89 ہزار 262 روپے کا ہوگیا تھا۔