یقین ہے فیلڈ مارشل کی کاوشیں خطے میں پائیدار امن کا باعث بنیں گی وزیراعظم شہباز شریف

پاکستان نیوز پوائنٹ
وزیراعظم شہباز شریف نے کہا کہ اسلام امن کا دین ہے،پیغمبر اسلام ﷺ کی حیات طیبہ ہمارے لیے مشعل راہ ہے، فقید المثال اجتماع اتحاد امت کی جھلک پیش کررہا ہے پاکستان علما کونسل کے زیر اہتمام چھٹی بین الاقوامی پیغامِ اسلام کانفرنس سے خطاب کرتے ہوئے وزیراعظم نے کہا کہ یہ اجتماع مسائل کے حل کیلئے یکسوئی، یگانگت اور بھرپور عزم کا بھی اظہار ہے،باہم اتحاد، افہام و تفہیم اور مثالی کردار سے مسائل کا حل نکالیں گے۔ شہباز شریف نے کہا کہ پاکستان کی دعوت قبول کرنے اور اسلام آباد آنے پر امریکاو ایران کے مشکور ہیں، پاکستان کی دعوت پر دونوں ملک اسلام آباد آئے ، جنگ بندی ہوئی اور مذاکرات کی میز پر بیٹھے،یقین ہے فریقین کے درمیان بات چیت جلد دیر پا امن میں بدلے گی۔ انہوں نے کہا کہ امن کے قیام سے خطے میں خوشحالی آئےگی، بیروزگاری کا خاتمہ ہوگا،پائیدار امن سے خطے میں محبت اور اخلاص سے معاملات آگے بڑھیں گے۔ وزیراعظم نے کہا کہ پاکستان نے امن کیلیے انتہائی متوازن اور اصولی موقف اختیار کیا،پاکستان امن کیلیے اپنا کردار ادا کرتا رہے گا، یقین ہے فیلڈ مارشل کی کاوشیں خطے میں پائیدار امن کا باعث بنیں گی۔