آسٹریلیا کا قومی دن پاکستان آسٹریلیا کے ساتھ دوستانہ تعلقات کو قدر کی نگاہ سے دیکھتا ہےصدرمملکت

پاکستان نیوز پوائنٹ
صدر مملکت آصف علی زرداری نے آسٹریلیا کے قومی دن پرآسڑیلیا کے گورنر جنرل اور عوام کو مبارکبادپیش کرتے ہوئے کہا ہے کہ پاکستان آسٹریلیا کے ساتھ دوستانہ اور تعمیری تعلقات کو قدر کی نگاہ سے دیکھتا ہے۔پیرکو ایوان صدر کے پریس ونگ سے جاری بیان میں صدر مملکت آصف علی زرداری نے کہا کہ پاکستان،آسٹریلیا شراکت داری باہمی احترام اور مشترکہ جمہوری اقدار پر مبنی ہے۔ انہوں نے کہا کہ تجارت،سرمایہ کاری اور تعلیم کے شعبوں میں تعاون مزید فروغ پائے گا۔ صدرمملکت آصف علی زرداری نے کہا کہ پاکستان آسٹریلیا کے ساتھ امن اور مشترکہ خوشحالی کے لیے قریبی تعاون کے لیے پرعزم ہے، موسمیاتی مزاحمت اور جدت میں پاکستان آسٹریلیا تعاون کے نئے مواقع موجود ہیں۔ انہوں نے کہا کہ اعلیٰ سطح کے روابط سے باہمی تفہیم مزید مضبوط ہوگی۔صدر مملکت آصف علی زرداری نے علاقائی و عالمی امور میں پاکستان اور آسٹریلیا تعاون جاری رکھنے کے عزم کا اعادہ کیا۔