امریکا کی ایران کو کھلی وارننگ ٹرمپ کا خامنہ ای کو سنجیدگی سے فکرمند رہنے کا مشورہ

پاکستان نیوز پوائنٹ
امریکی صدر ڈونلڈ ٹرمپ نے کہا ہے کہ ایرانی سپریم لیڈر آیت اللہ علی خامنہ ای کو موجودہ صورتحال پر سنجیدگی سے فکرمند ہونا چاہیے، امریکی میڈیا کو دیے گئے ایک انٹرویو میں صدر ٹرمپ نے دعویٰ کیا کہ وہ ہمیشہ ایرانی عوام کے ساتھ کھڑے رہے ہیں اور اگر امریکا نے ایران کے خلاف بروقت کارروائی نہ کی ہوتی تو آج مشرقِ وسطیٰ میں امن ممکن نہ ہوتا، ان کا کہنا تھا کہ امریکا کے اقدامات نے خطے میں استحکام برقرار رکھنے میں اہم کردار ادا کیا، صدر ٹرمپ کا یہ بیان ایسے وقت میں سامنے آیا ہے جب امریکا اور ایران کے درمیان ایران کے جوہری پروگرام پر جمعہ کے روز مذاکرات متوقع ہیں، انہوں نے کہا کہ بظاہر ایران کسی پیش رفت کا خواہاں دکھائی دیتا ہے لیکن اصل صورتحال مذاکرات کے نتائج کے بعد ہی واضح ہوگی، صدر ٹرمپ نے مزید کہا کہ ماضی میں بھی ایران کو مذاکرات کے مواقع دیے گئے جو نتیجہ خیز ثابت نہ ہو سکے، جس کے بعد امریکا نے ایران کے خلاف آپریشن مڈنائٹ ہیمر کیا، اور اب ایران آئندہ کسی ایسی کارروائی کا خطرہ مول نہیں لینا چاہے گا۔