ایک اور ملک نے یورو کرنسی اپنا لی

پاکستان نیوز پوائنٹ
جنوبی مشرقی یورپی ملک بلغاریہ (جو بلقان ریاستوں میں شامل ہے) نے دہائیوں بعد اپنی قومی کرنسی لیو کو چھوڑ کر یورو کرنسی اختیار کر لی۔ بلغاریہ نے باضابطہ طور پر یورو کو اپنا لیا ہے جو کہ یورپی یونین میں داخل ہونے کے تقریباً دو دہائیوں بعد واحد کرنسی یعنی یورو میں شامل ہونے والا اکیسواں ملک بن گیا ہے۔ یہ ایک ایسا اقدام ہے جس نے جشن اور بے چینی دونوں کو جنم دیا ہے، گزشتہ رات بلقان ملک نے 19ویں صدی کے آخر سے اپنی قومی کرنسی لیو کو الوداع کہہ دیا۔ یورپی مرکزی بینک کی صدر کرسٹین لیگارڈ نے کہا کہ “میں بلغاریہ کو یورو فیملی میں خوش آمدید کہتی ہوں۔‘‘ کچھ رہائشیوں نے امید کے ساتھ تبدیلی کا خیرمقدم کیا اور کہا کہ “بہت اچھا اقدام ہے، یکے بعد دیگرے بلغاریہ کی حکومتوں نے یورو کو اپنانے کی حمایت کی ہے، یہ دلیل دی کہ یہ ملک کی کمزور معیشت کو مضبوط کرے گا اور اسے مغربی اداروں کے اندر زیادہ مضبوطی سے اپنایا جائے گا اور روسی اثرورسوخ کمزور پڑ جائے گا۔ بلغاریہ کی آبادی تقریباً 6.4 ملین ہے جو یورپی یونین کا سب سے غریب رکن ہے۔ آدھی رات سے پہلے ایک ٹیلیویژن خطاب میں، صدر رومن رادیو نے یورو کو بلغاریہ کے یورپی یونین میں انضمام کا “آخری قدم” قرار دیا۔ تاہم انہوں نے اس فیصلے پر عوامی ریفرنڈم کی عدم موجودگی پر تنقید کی۔