ایک بار پھر سے سونے کی قیمتوں میں نمایاں اضافہ ریکارڈ کیا جا رہا ہے

پاکستان نیوز پوائنٹ
پاکستان کی مقامی صرافہ مارکیٹس میں آج 11 مارچ 2026 کو ایک بار پھر سے سونے کی قیمتوں میں نمایاں اضافہ ریکارڈ کیا جا رہا ہے .تاہم چاندی کی قیمتیں مستحکم ہیں۔آل پاکستان صرافہ جیمز اینڈ جیولرز ایسوسی ایشن کے مطابق بدھ 11 مارچ 2026 کو 24 قیراط فی تولہ سونے کی قیمت میں 3 ہزار 700 روپے اضافے کے بعد نئی قیمت 5 لاکھ 43 ہزار 262 روپے ہو گئی ہے۔اسی طرح 24 قیراط 10 گرام سونے کی قیمت 3 ہزار 172 روپے اضافے کے بعد 4 لاکھ 65 ہزار 759 روپے تک پہنچ گئی ہے جبکہ 22 قیراط 10 گرام سونے کی قیمت 2 ہزار 908 روپے بڑھ کر 4 لاکھ 26 ہزار 961 روپے ریکارڈ کی گئی۔ دوسری جانب چاندی کی قیمتوں میں کوئی تبدیلی نہیں آئی۔ فی تولہ چاندی کی قیمت 9 ہزار 354 روپے جبکہ 10 گرام چاندی 8 ہزار 19 روپے پر برقرار ہے۔عالمی مارکیٹ میں بھی سونے کی قیمت میں اضافہ دیکھا گیا جہاں فی اونس سونا 37 ڈالر مہنگا ہو کر 5205 ڈالر تک پہنچ گیا جبکہ عالمی مارکیٹ میں چاندی کی قیمت 88 اعشاریہ 70 ڈالر فی اونس پر مستحکم ہیں۔ ماہرین کے مطابق عالمی مارکیٹ میں اتار چڑھاؤ اور کرنسی کی قدر میں تبدیلی کے باعث مقامی صرافہ بازار میں سونے کی قیمتیں متاثر ہو رہی ہیں۔