اردو نیوز اپڈیٹس

صدرِ مملکت اور وزیرِ اعظم کا عیدالاضحیٰ کے موقع پر قوم کے نام اہم پیغام

پاکستان نیوز پوائنٹ
عیدالاضحیٰ کے موقع پر صدرِ مملکت آصف علی زرداری اور وزیرِ اعظم شہباز شریف نے قوم اور امتِ مسلمہ کو مبارکباد دیتے ہوئے نیک خواہشات کا اظہار کیا ہے صدرِ مملکت آصف علی زرداری نے اپنے پیغام میں کہا کہ عیدالاضحیٰ صبر، وفا اور ایثار کے عظیم جذبے کی یاد دلاتی ہے۔ انہوں نے کہا کہ قومی وحدت کو مقدم رکھتے ہوئے نفرت اور تقسیم کے بجائے محبت، برداشت اور مکالمے کو فروغ دینا وقت کی اہم ضرورت ہے۔ انہوں نے مزید کہا کہ کمزور طبقات کے لیے آسانیاں پیدا کرتے ہوئے ملک کی ترقی میں ہر فرد کو اپنا کردار ادا کرنا چاہیے۔ صدرِ مملکت کے مطابق عید کی خوشیاں اسی وقت مکمل ہوتی ہیں جب معاشرے کے مستحق اور سفید پوش افراد بھی ان میں شریک ہوں۔ وزیرِ اعظم شہباز شریف نے اپنے پیغام میں کہا کہ عیدالاضحیٰ سنتِ ابراہیمی اور اطاعتِ خداوندی کا درس دیتی ہے۔ ان کے مطابق اعلیٰ مقصد کے لیے جان، خواہشات اور مفادات کی قربانی ایمان کی معراج ہے۔ وزیرِ اعظم نے کہا کہ دہشتگردی کے خلاف جانوں کا نذرانہ پیش کرنے والے شہداء قوم کا فخر ہیں۔ انہوں نے عوام پر زور دیا کہ عید کے موقع پر غریب، نادار اور مستحق افراد کا خاص خیال رکھا جائے تاکہ معاشرے میں اتحاد، یگانگت اور ایثار کو فروغ ملے۔ دونوں رہنماؤں نے ملک کی ترقی، خوشحالی اور سلامتی کے لیے خصوصی دعائیں بھی کیں۔

Faisal Bukhari

Recent Posts

مسلح افواج کے سربراہان کی قوم کو عیدالاضحیٰ کی مبارکباد

پاکستان نیوز پوائنٹ :فیلڈ مارشل عاصم منیر، ایئر چیف اور نیول چیف نے قوم کو…

4 hours ago

فیلڈ مارشل نے مغربی سرحدوں پر اگلے مورچوں پر تعینات جوانوں کے ساتھ عید منائی

پاکستان نیوز پوائنٹ فیلڈ مارشل عاصم منیر نے مغربی سرحدوں پر اگلے مورچوں پر تعینات…

4 hours ago

امریکی صدر ٹرمپ نے ایران جنگ سے متعلق کابینہ کا غیر معمولی اجلاس طلب کرلیا

پاکستان نیوز پوائنٹ ایران جنگ سے متعلق امریکی صدر ڈونلڈ ٹرمپ نےکابینہ کا غیر معمولی…

4 hours ago

ایران اور امریکہ کی مفاہمتی یادداشت کا ابتدائی غیر سرکاری مسودہ سامنے آگیا

پاکستان نیوز پوائنٹ ایران کو مفاہمتی یادداشت کا ابتدائی غیر سرکاری فریم ورک کا مسودہ…

4 hours ago

لبنان کے جنوبی علاقے میں اسرائیلی فضائی حملے 31 افراد جاں بحق

پاکستان نیوز پوائنٹ لبنان کےجنوبی علاقے میں اسرائیلی فضائی حملوں کے نتیجے میں 31 افراد…

4 hours ago