طلبا کا احتجاج رنگ لے آیا بھارتی وزیر تعلیم دھرمندر پردھان نے استعفی دے دیا

پاکستان نیوز پوائنٹ
طلبا کا احتجاج رنگ لے آیا، بھارتی وزیر تعلیم دھرمندر پردھان نے استعفی دے دیا۔بھارتی وزیرِاعظم نریندر مودی نے دھرمندر پرادھان کا استعفیٰ منظور کر لیا ۔ بھارتی نوجوانوں کی پارٹی کاکروچ جنتا پارٹی کا پیپر لیک کے معاملے پر تقریباً دو ماہ سے جاری احتجاج رنگ لے آیا ۔کاکروچ جنتا پارٹی کے ترجمان کا کہنا ہے اگر وزیر تعلیم دھرمیندر پردھان نے استعفیٰ دے دیا ہے تو یہ بہت اچھی بات ہے ۔یہ کہتے تھے اس سرکار میں استعفے نہیں ہوتے، ہم نے کردکھایا ہے۔ خیال رہے کہ امتحانی پرچے لیک ہونے کے معاملے پر کاکروچ جنتا پارٹی کی جانب سے تقریباً دو ماہ سے دارالحکومت نئی دہلی میں جنترمنترکے مقام پر احتجاج جاری تھا اور اس دوران بھارت کی نامور شخصیت سونم وانگچک نے 26 روزہ بھوک ہڑتال بھی کی تھی۔ بھارتی وزیراعظم نے تقریباً ڈیڑھ ماہ بعد سوشل میڈیا پر ایک ویڈیو پیغام جاری کرکے نوجوانوں کواحتجاج ختم کرنے کی ترغیب دی لیکن مودی سرکار کے تمام اوچھے ہتھکنڈوں کے باوجود بھارتی نوجوان وزیر تعلیم دھرمیندر پردھان کے استعفے کے مطالبے پر ڈٹے رہے اور حکومت کا فاسٹ ٹریک عدالتیں بنانے کا مطالبہ مسترد کردیا۔ بھارت کی اپوزیشن جماعتیں اور سیاسی و سماجی شخصیات بھی نوجوان مظاہرین کے مطالبات کو جائزقراردیتی رہیں