غزہ میں جاری جنگ کے خاتمے کو یقینی بنانے کے لیے صدر ٹرمپ کے 20 نکاتی منصوبے کا خیر مقدم کرتا ہوں

پاکستان نیوز پوائنٹ
وزیر اعظم شہباز شریف نے صدر ڈونلڈ ٹرمپ کے غزہ جنگ بندی کے لئے بیس نکاتی منصوبے کا خیر مقدم کرتے ہوئے کہا ہے کہ فلسطینی عوام اور اسرائیل کے درمیان پائیدار امن خطے میں سیاسی استحکام اور معاشی ترقی لانے کے لیے نہایت ضروری ہو گا۔
آج سوشل پلیت فارم ایکس پر اپنی پوسٹ میں وزیراعظم شہباز شریف نے لکھا، میں غزہ میں جاری جنگ کے خاتمے کو یقینی بنانے کے لیے صدر ٹرمپ کے 20 نکاتی منصوبے کا خیر مقدم کرتا ہوں۔ پاکستان کے وزیراعظم نے کہا، “مجھے یہ یقین ہے کہ فلسطینی عوام اور اسرائیل کے درمیان پائیدار امن خطے میں سیاسی استحکام اور معاشی ترقی لانے کے لیے نہایت ضروری ہو گا.” وزیراعظم شہباز شریف نے کہا، “یہ میرا پختہ یقین بھی ہے کہ صدر ٹرمپ ہر ممکن طریقے سے مدد کرنے کے لیے پوری طرح تیار ہیں تاکہ اس نہایت اہم اور فوری ضرورت کو حقیقت بنایا جا سکے.” انہوں نے کہا، میں صدر ٹرمپ کی قیادت اور خصوصی ایلچی اسٹیو وٹکوف کے اس جنگ کے خاتمے میں ادا کیے گئے اہم کردار کو سراہتا ہوں۔ وزیراعظم شہباز نے اپنی اس پوسٹ میں مزید لکھا، “میرا یہ بھی پختہ یقین ہے کہ دو ریاستی تجویز پر عمل درآمد خطے میں پائیدار امن کو یقینی بنانے کے لیے نہایت ضروری ہے.”