غزہ کیلئے امدادی سامان لے جانے والے سمندری جہاز پر ڈرون سے بمباری

پاکستان نیوز پوائنٹ
غزہ کیلئے امدادی سامان اور رضا کاروں کو لے جانے والے سمندری جہاز کو بین الاقوامی بحری راستے پر بمباری سے نشانہ بنایا گیا ہے۔غیر ملکی خبر ایجنسی کی رپورٹ کے مطابق عالمی فلاحی تنظیم فریڈم فلوٹیلا کولیژن نے کہا ہے کہ مالٹا میں بین الاقوامی پانی میں غزہ کے لیے امدادی سامان اور رضا کاروں کو لے جانے والے بحری جہاز پر ڈرونز سے حملہ کر کے نشانہ بنایا گیا۔رپورٹ کے مطابق این جی او نے ایک ویڈیو شئیر کی تاہم یہ نہیں بتایا گیا کہ حملہ کس نے کیا اور حملے میں زخمیوں سے متعلق بھی کوئی اطلاع سامنے نہیں آسکی۔فلاحی تنظیم کی جانب سے سوشل میڈیا پر جاری بیان میں کہا گیا ہے کہ ڈرون حملے کے ذریعے خاص طور پر بحری جہاز کے جنٹریٹر کو نشانہ بنایا گیا. جس کے باعث 30 فلاحی ملازمین والا جہاز ڈوبنے کے خطرے سے دوچار ہے۔فلاحی تنظیم کی جانب سے کہا گیا ہے کہ سائپرس کی جانب سے ہنگامی امداد کی کال پر ایک کشتی بھیجی گئی۔ یاد رہے کہ فلاحی تنظیم غزہ میں اسرائیلی پابندیوں کے خاتمے کے لیے مہم چلا رہی ہے۔