متحدہ عرب امارات کی سلامتی پاکستان کی سلامتی کا لازمی جزو ہے فیلڈ مارشل

پاکستان نیوز پوائنٹ
فیلڈ مارشل سید عاصم منیر نے ابو ظہبی کے نائب حکمران اور متحدہ عرب امارات کے نیشنل سیکیورٹی ایڈوائزر شیخ طحنون بن زاید النہیان سے ملاقات کی۔پاک فوج کے شعبہ تعلاقات عامہ (آئی ایس پی آر) کے مطابق ملاقات کے دوران دونوں رہنماؤں کے درمیان مختلف شعبوں میں دوطرفہ تعاون کو مزید مضبوط بنانے پر تبادلۂ خیال کیا گیا۔ملاقات میں علاقائی صورتحال پر بھی گفتگو کی گئی جبکہ خطے میں امن و استحکام کے فروغ کے لیے باہمی روابط اور مسلسل ہم آہنگی کی اہمیت کو اجاگر کیا گیا۔دوران ملاقات معاشی اشتراک، سرمایہ کاری اور سلامتی کے میدانوں میں تعاون بڑھانے پر بھی زور دیا گیا۔اس کے علاوہ فیلڈ مارشل سید عاصم منیر نے متحدہ عرب امارات کی جانب سے پاکستان کی مسلسل حمایت پر اظہار تشکر کیا اور یو اے ای کی سرمایہ کاری کو پاکستان کی معیشت کے لیے نہایت اہم قرار دیا۔ترجمان پاک فوج کے مطابق پاکستان اور یو اے ای کے تعلقات کو تاریخی اور برادرانہ قرار دیتے ہوئے اسٹریٹجک شراکت داری کو مزید وسعت دینے کے عزم کا اعادہ کیا گیا۔اس موقع پر فیلڈ مارشل عاصم منیر کا کہنا تھا کہ یو اے ای کی سلامتی، پاکستان کی سلامتی کا لازمی جزو ہے