مقبوضہ فلسطینی علاقوں پراسرائیلی قبضہ ختم ہونا چاہئے عاصم افتخار

پاکستان نیوز پوائنٹ
اقوام متحدہ میں پاکستانی مندوب عاصم افتخار کا سڈنی واقعے کی شدید مذمت کرتے ہوئے کہنا ہے کہ مقبوضہ فلسطینی علاقوں پراسرائیلی قبضہ ختم ہونا چاہئے، یہودی بستیوں کا قیام فلسطین کے دو ریاستی حل میں رکاوٹ ہے عاصم افتخار کی جانب سے سڈنی واقعے کی شدید مذمت کی گئی، اُن کا متاثرہ خاندانوں سے ہمدردی کا اظہار کرتے ہوئے کہنا تھا کہ مسئلہ فلسطین پر پاکستان کے اصولی مؤقف کا اعادہ کیا، انہوں نے کہا فلسطینی عوام کئی دہائیوں سے ظلم و ستم کا سامنا کررہے ہیں۔ عاصم افتخار نے مزید کہا کہ غزہ میں جنگ بندی کا مکمل احترام کیا جائے، جنگ بندی معاہدے کے دوسرے مرحلے پر بلا تاخیرعملدرآمد ضروری ہے، مقبوضہ فلسطینی علاقوں پراسرائیلی قبضہ ختم ہونا چاہئے، یہودی بستیوں کا قیام فلسطین کے دو ریاستی حل میں رکاوٹ ہے, غزہ میں مکمل، محفوظ اور بلا رکاوٹ انسانی امداد کی فراہمی کی ضمانت دی جائے، عاصم افتخار نے غزہ اور مغربی کنارے میں مظالم پر اسرائیل کے احتساب کا مطالبہ کیا۔