مہنگائی کا ایک اور وار روٹی اور نان بھی مہنگاہوگیا

پاکستان نیوز پوائنٹ
نان بائیوں نے ازخودروٹی اور نان کی نئی قیمتوں کا اعلان کر دیا۔روٹی کی قیمت میں 9 اور نان کی قیمت میں 10 روپے کااضافہ کردیاگیاہے جس کے بعد روٹی 25 جبکہ نان 35 روپے کا ہوگیا۔نان بائیوں کے مطابق آٹے کی قیمت بڑھنے کے باعث پرانے نرخ پرروٹی اورنان کی فروخت ممکن نہیں ،آٹے کی بڑھتی قیمتوں نے قیمتیں بڑھانے پر مجبور کر دیا،20 کلو آٹے کا تھیلا 2400 روپے تک پہنچ چکاہے اس لئے پرانی قیمت پر فروخت ممکن نہیں۔نان بائیوں کامزید کہناہے کہ حکومت نے نئی قیمتیں تسلیم نہ کیں تو تندور بند کر دیں گے۔دوسری جانب شہریوں کاکہناہے کہ دو وقت کی روٹی کا حصول بھی مشکل ہونے لگاہے،آئے روز بڑھتی ہوئی مہنگائی نے گھریلو بجٹ تباہ کر دیا،تنخواہیں وہی ہیں مگر روزمرہ اشیائے ضروریہ مسلسل مہنگی ہو رہی ہیں،مہنگائی کے باعث سفید پوش طبقے کے لیے گھر کا خرچ چلانا دشوار ہو گیا ہے۔شہریوں نے مطالبہ کیا ہے کہ آٹے کی قیمتوں میں کمی لا کر روٹی اور نان سستا کیا جائے