وزیراعظم شہباز شریف 2 روزہ سرکاری دورے پر بیلاروس روانہ ہوگئے

پاکستان نیوز پوائنٹ
وزیراعظم شہباز شریف 2 روزہ سرکاری دورے پر بیلاروس روانہ ہوگئے ہیں اور ان کے ہمراہ مسلم لیگ ن کے صدر اور سابق وزیراعظم نواز شریف بھی موجود ہیں بیلاروس کے صدر الیگزینڈر لوکاشینکو کی دعوت پر وزیراعظم شہباز شریف 10 سے 11 اپریل 2025 تک بیلاروس کا سرکاری دورہ کریں گے اس دورے میں وزیر خزانہ اسحاق ڈار وزیر اطلاعات عطا اللہ تارڑ اور معاون خصوصی طارق فاطمی بھی وزیراعظم کے ہمراہ ہیں اس دوران مسلم لیگ ن کے صدر اور سابق وزیراعظم نواز شریف بھی بیلاروس کے دورے پر روانہ ہوگئے ہیں پارٹی ذرائع کے مطابق وزیراعلیٰ پنجاب مریم نواز بھی ان کے ہمراہ روانہ ہوئی ہیں ان کے ساتھ سینئر صوبائی وزیر مریم اورنگزیب حسن نواز چیف سیکرٹری پنجاب زاہد اختر زمان اور نواز شریف کے ذاتی معالج ڈاکٹر عدنان بھی بیلاروس جانے والے وفد میں شامل ہیں اس سے پہلے نواز شریف کی سربراہی میں ایک وفد لاہور سے خصوصی طیارے کے ذریعے اسلام آباد روانہ ہوا تھا جہاں سے انہیں وزیراعظم شہباز شریف کے ساتھ بیلاروس جانا تھا ذرائع کے مطابق نواز شریف بیلاروس کے دورے کے بعد لندن روانہ ہوں گے مسلم لیگ ن کی سیکرٹری اطلاعات مریم اورنگزیب نے اپنے بیان میں کہا کہ نواز شریف وزیراعظم شہباز شریف کے ہمراہ بیلاروس کے صدر کی دعوت پر یہ دورہ کر رہے ہیں اور اس دورے کے دوران مہمان وفد بیلاروس کے صدر کی جانب سے دیے گئے عشائیے میں بھی شرکت کرے گا