وزیرِ خارجہ اسحاق ڈار کی زیر صدارت اعلی سطح اجلاس میں دوست ممالک کی جانب سے مختلف شعبوں میں سرمایہ کاری کی پیش رفت کا جائزہ لیا گیا

پاکستان نیوز پوائنٹ
اجلاس میں معاونِ خصوصی اعظم باجوہ، چیئرمین ایس ای سی پی، سیکریٹری پیٹرولیم و خزانہ، اور وزارتِ خارجہ سمیت متعلقہ محکموں کے سینئر حکام نے شرکت کی۔ اجلاس میں انفراسٹرکچر، توانائی، پیٹرولیم اور اقتصادی ترقی کے شعبوں میں غیر ملکی سرمایہ کاری پر گفتگو ہوئی۔ اسحاق ڈار نے سرمایہ کاری منصوبوں کی تیز رفتار تکمیل پر زور دیا، انہوں نے ادارہ جاتی ہم آہنگی اور طریقہ کار کو مزید مؤثر بنانے پر زور دیا۔ اسحاق ڈار نے حکومت کی جانب سے مکمل سہولت کاری کی یقین دہانی کروائی، کہا کہ ان سرمایہ کاریوں کو عملی جامہ پہنا کر اقتصادی ترقی و خوشحالی کے اہداف حاصل کیے جائیں گے ۔