پاکستانی پاسپورٹ اس وقت دنیا بھر میں سب سے کم درجے پر ہے وزیر خارجہ اسحاق ڈار

پاکستان نیوز پوائنٹ
وزیر خارجہ اسحاق ڈار نے اعتراف کیا ہے کہ پاکستانی پاسپورٹ اس وقت دنیا بھر میں سب سے کم درجے پر ہے۔قومی اسمبلی میں پاکستانی پاسپورٹ کی درجہ بندی سے متعلق تفصیلات پیش کر دی گئیں، وزارت خارجہ نے کہا کہ پاکستانی پاسپورٹ پر 35ممالک میں ویزا فری رسائی حاصل ہے۔وزیر پارلیمانی امور ڈاکٹر طارق فضل چوہدری نے کہا کہ جب اپنے ہی پاکستانی باہر کے پارلیمانوں میں اپنے ملک کے خلاف قراردادیں منظور کرائیں گے تو پھر پاسپورٹ کا یہی حال ہوگا۔انہوں نے کہا کہ خوبصورت پاسپورٹ چھاپ دینے سے پاسپورٹ کی عزت نہیں بڑھے گی، نو مئی کو جو بھارت کو جواب دیا ہے اب دنیا میں پاکستان کی عزت بڑھی ہے، وزیر پارلیمانی امور نے کہا کہ اب لوگ پاکستانیوں کا منہ چوم رہے ہیں۔ڈاکٹر طارق فضل چوہدری نے کہا کہ اپنے گھر کو درست کریں گے تو ہی پاسپورٹ کو عزت ملے گی، افغانوں سمیت بہت سے لوگوں نے پاکستانی پاسپورٹس استعمال کئے ہیں، پاکستان کے غیر قانونی پاسپورٹ لینے والوں کے پاسپورٹ بلاک کررہے ہیں۔