پاکستان نیوز پوائنٹ
پاکستان نے کشمیر اور فلسطین کے حل طلب تنازعات کو عالمی امن کیلئے خطرہ قرار دے دیا۔ترجمان دفتر خارجہ کے مطابق پاکستان اورچین کی میزبانی میں اقوام متحدہ کی سلامتی کونسل کے ایریا فارمولا اجلاس ہوا،جس میں سلامتی کونسل کی قراردادوں پر موثر، غیر جانبدارانہ اور بروقت عملدرآمد کو یقینی بنانے کے طریقہ کار پر غور کیا گیا۔ بق اجلاس میں اقوام متحدہ کے ا سسٹنٹ سیکریٹری جنرل خالدخیاری اور انٹرنیشنل کرائسس گروپ کیرچرڈگوان نے بریفنگ دی،اجلاس میں رکن ممالک نے پا کستان اورچین کی جانب سے اس اہم موضوع پر بحث کے انعقاد کا خیر مقدم کیا۔اقوام متحدہ میں پاکستان کے مستقل مندوب عاصم افتخار نے اپنے خطاب میں کہا کہ سلامتی کونسل کی قراردادیں محض سفارشات نہیں بلکہ بین الاقوامی قانونی ذمہ داریاں ہیں،قراردادوں پر طویل عرصے تک عملدرآمد نہ ہونا سلامتی کونسل کی ساکھ کو متاثرکرتا ہے اور تنازعات کو مزید طول دیتا ہے۔عاصم افتخار نے مقبوضہ کشمیر اورفلسطین کے حل طلب تنازعات کو عالمی امن وسلامتی کے لئے سنگین خطرہ قراردیتے ہوئے کہاکہ ان معاملات پرسلامتی کونسل کی قراردادوں پرعمل نہ ہونے کے باعث انسانی المیے جنم لے رہے ہیں اور خطے میں عدم استحکام بڑھ رہا ہے۔اجلاس میں رکن ممالک نے چین اور پاکستان کے اقدام کا خیرمقدم کرتے ہوئے قراردادوں پر عملدرآمد کیلئے مستقل سفارت کاری، باقاعدہ جائزے ، موثر نگرانی کی ضرورت پر زور دیا۔
پاکستان نیوز پوائنٹ صدر مملکت آصف علی زرداری آج جرمنی کے دورے پر روانہ ہوں…
پاکستان نیوز پوائنٹ مالدیپ کے صدر ڈاکٹر محمد معیزو کے اعزاز میں وزیراعظم ہاؤس میں…
پاکستان نیوز پوائنٹ پاکستان اور مالدیپ نے دفاع، بحری سلامتی، سائبر سیکیورٹی، آئی ٹی، تعلیم…
پاکستان نیوز پوائنٹ وفاقی حکومت نے متعدد افسران کے تقرر و تبادلے کر دیے، اسٹیبلشمنٹ…
پاکستان نیوز پوائنٹ پاکستان، ترکیہ، قطر اور انڈونیشیا کے مابین دفاعی صنعت اور فوجی پیداواری…
پاکستان نیوز پوائنٹ امریکا میں امیگریشن پالیسی سخت ہونے کے باعث غیر ملکی شہریوں کے…