پاکستان نیوز پوائنٹ
پاکستان کی بندرگاہی تاریخ کا سب سے بڑا مائع پیٹرولیم گیس یعنی ایل پی جی بردار بحری جہاز 15 ہزار میٹرک ٹن گیس کی کھیپ لے کر کراچی کے پورٹ قاسم پر لنگر انداز ہو گیا ہے۔اس بڑی مقدار میں ایل پی جی کی آمد سے ملک بھر میں توانائی کی فراہمی بالخصوص گھریلو اور تجارتی صارفین کی ضروریات کو پورا کرنے میں نمایاں مدد ملنے کی توقع ظاہر کی جا رہی ہے۔پورٹ قاسم اتھارٹی کے مطابق 15 ہزار میٹرک ٹن ایل پی جی پر مشتمل یہ کھیپ ملکی توانائی کی ضروریات پوری کرنے میں پورٹ قاسم کے کلیدی کردار کو اجاگر کرتی ہے۔حکام کا کہنا ہے کہ اتنی بڑی مقدار میں گیس کی بحفاظت آمد اور اس کی ترسیل کا عمل بندرگاہ کی بڑھتی ہوئی استعداد کار کا مظہر ہے، جس سے ملک میں ایندھن کی سپلائی چین کو مستحکم رکھنے میں مدد ملے گی۔توانائی کے شعبے سے وابستہ حلقوں کے مطابق ایل پی جی کی یہ بھاری کھیپ ایک ایسے نازک وقت میں پہنچی ہے جب ملک میں اس ایندھن کی دستیابی اور قیمتوں میں اضافے کے حوالے سے صارفین میں شدید تشویش پائی جاتی ہےواضح رہے کہ پاکستان میں ایل پی جی کا استعمال گھریلو سطح پر بڑے پیمانے پر کیا جاتا ہے. خاص طور پر ان دور دراز اور شہری علاقوں میں جہاں پائپ لائن کے ذریعے قدرتی گیس دستیاب نہیں ہے یا سپلائی میں تعطل کا سامنا رہتا ہے۔گھریلو صارفین کے ساتھ ساتھ مختلف تجارتی ادارے اور صنعتیں بھی ایندھن کے متبادل ذریعے کے طور پر ایل پی جی پر انحصار کرتی ہیں۔متعلقہ حکام کا ماننا ہے کہ بندرگاہ پر لنگر انداز ہونے والے اس جہاز سے گیس کی ترسیل شروع ہونے کے بعد مقامی مارکیٹ میں سپلائی کی صورتحال بہتر ہونے کا امکان ہے۔
پاکستان نیوز پوائنٹ وزیراعظم محمد شہباز شریف کے دورہ آزاد جموں و کشمیر کے موقع…
پاکستان نیوز پوائنٹ نائب وزیراعظم اور وزیر خارجہ اسحاق ڈار نے کہا ہے کہ پاکستان…
پاکستان نیوز پوائنٹ اسلام آباد میں تقریب سے خطاب کے دوران سندھ کی صورتحال پر…
پاکستان نیوز پوائنٹ ملک میں سونے کی قیمت میں بڑی کمی ریکارڈ کی گئی۔ آل…
پاکستان نیوز پوائنٹ امریکی صدر ڈونلڈ ٹرمپ ایشیا پیسیفک اکنامک کوآپریشن (ایپک) کے سربراہی اجلاس…
پاکستان نیوز پوائنٹ پاکستان نے فتح-3 (Fatah-3) سپرسونک کروز میزائل کا کامیاب تجربہ کر لیا…