پاکستان کی سعودی عرب میں توانائی تنصیبات پر میزائل حملے کی شدید مذمت

پاکستان نیوز پوائنٹ
پاکستان نے سعودی عرب میں توانائی کی تنصیبات پر ہونے والے میزائل اور ڈرون حملے کی شدید الفاظ میں مذمت کی ہے۔ ترجمان دفتر خارجہ کے مطابق حکومتِ پاکستان نے گزشتہ رات ایران کی جانب سے سعودی عرب کے مشرقی علاقے میں توانائی کی تنصیبات پر کیے گئے میزائل اور ڈرون حملوں پر شدید تشویش کا اظہار کرتے ہوئے ان کی دو ٹوک مذمت کی ہے۔ترجمان دفتر خارجہ کا کہنا ہے کہ یہ حملے سعودی عرب کی خود مختاری اور علاقائی سالمیت کی سنگین خلاف ورزی ہیں۔پاکستان نے ایک بار پھر سعودی عرب کی سلامتی، تحفظ اور استحکام کے لیے اپنی غیر متزلزل حمایت کا اعادہ کیا ہے۔بیان میں کہا گیا ہے کہ پاکستان برادر ملک سعودی عرب کے خلاف کسی بھی خطرے کی صورت میں اس کے ساتھ کھڑا ہے اور ایسے اقدامات خطے کے امن و امان کے لیے بڑا خطرہ ہیںواضح رہے کہ ایران نے سعودی عرب کے صنعتی شہر جبیل میں پیٹرو کیمیکل کمپلیکس پر حملہ کیا ہے، پاسداران انقلاب نے اس حملے کی ذمے داری بھی قبول کرلی۔پاسداران انقلاب کے ترجمان کا کہنا ہے کہ شیراز کے پیٹرو کیمیکل کمپلیکس پر حملوں کے جواب میں سعودی عرب کی پیٹرو کیمیکل تنصیبات پر حملہ کیا۔پاسداران انقلاب نے کہا الجبیل انڈسٹریل زون میں امریکی کمپنی ایگزون موبل، ڈارک کیمیکل اور سادرا کو نشانہ بنایا ہے. الجعیمه میں امریکی شیورون فلپس کمپنی کو بھی حملے نقصان پہنچا۔