پی ڈی ایم اے پنجاب نے آئیندہ 36 گھنٹوں میں انتہائی اونچے درجے کے سیلاب کا الرٹ جاری کر دیا

پاکستان نیوز پوائنٹ
پی ڈی ایم اے پنجاب کے ڈائریکٹر جنرل عرفان علی کاٹھیا کا کہنا ہے کہ بھارت کی جانب سے سلال ڈیم کے تمام سپل ویز کھولے جانے کی اطلاعات ہیں، بھارت نے آفیشلی دریائے چناب میں پانی چھوڑے جانے کی وارننگ نہیں دی۔ انہون نے کہا کہ پی ڈی ایم اے پنجاب نے متعلقہ اضلاع کی انتظامیہ کو ہائی الرٹ رہنے کی ہدایات جاری کی دی ہیں۔ ڈی جی پی ڈی ایم اے کے مطابق آئندہ 2 روز میں بڑا سیلابی ریلا ہیڈ مرالہ کے مقام تک پہنچ سکتا ہے۔ریلے سے دریائے چناب میں پانی کی سطح خطرناک حد تک بڑھنے کا خدشہ ہے۔ انہوں نے کہا کہ تمام اضلاع کی انتظامیہ کسی بھی ناگہانی صورتحال کے لیے ہائی الرٹ رہے۔ انہوں نے مزید کہا کہ کمشنرز، ڈپٹی کمشنرز تمام افسران کی موجودگی کو فیلڈ میں یقینی بنائیں۔ تمام ادارے موجودہ سیلابی صورتحال کے پیش نظر فیلڈ میں موجود ہیں۔