آئی ایم ایف کا دباؤ بجٹ کے بعد تعلیم مزید مہنگی ہونے کا امکان

پاکستان نیوز پوائنٹ
مالی سال برائے سال 27-2026 کے وفاقی بجٹ کے بعد ملک میں تعلیم کا حصول مزید مہنگا ہونے کا امکان ہے ملک میں غریب اور متوسط طبقے کے لیے تعلیم کا حصول پہلے ہی مشکل ہے لیکن بجٹ کے بعد اس کے مزید مہنگا ہونے کا امکان ہے جس سے تعلیم کا حصول مزید مشکل ہو جائے گا۔ اطلاعات کے مطابق آئی ایم ایف نے اسٹیشنری پر 10 فیصد سیلز ٹیکس کی رعایت ختم کرنے کا مطالبہ کر دیا ہے، جس کے باعث بجٹ کے بعد یکم جولائی سے اسٹیشنری آئٹمز پر سیلز ٹیکس 18 فیصد کیے جانے کا امکان ہے۔ ذرائع نے بتایا کہ آئی ایم ایف کے مطالبے پر وفاقی حکومت فنانس بل 2026 میں اسٹیشنری پر سیلز ٹیکس 10 سے بڑھا کر 18 فیصد کرنے پر غور کر رہی ہے۔ اگر اسٹیشنری آئٹمز پر سیلز ٹیکس بڑھا کر 18 فیصد کیا جاتا ہے تو پھر یکم جولائی سے کاپیاں، رجسٹر، قلم، پینسل اور دیگر تعلیمی و دفتری سامان کی قیمتوں میں اضافے کا امکان ہے دوسری جانب بین الاقوامی مالیاتی فنڈ نے بھی سیلز ٹیکس 10 فیصد سے بڑھا کر 18 فیصد کرنے کی منظوری دے دی ہے اور نئی ٹیکس شرح یکم جولائی 2026 سے نافذ ہونے کا امکان ہے۔