آبنائے ہرمز میں ٹرانزٹ کا طریقہ کار ایران خود طے کرے گا عباس عراقچی کا دو ٹوک پیغام

پاکستان نیوز پوائنٹ
ایرانی وزیر خارجہ عباس عراقچی نے کہا ہے کہ آبنائے ہرمز سے بحری آمدورفت کی بحالی کے انتظامات ایران خود طے کرے گا۔یمن، باب المندب اور خطے کے دیگر تنازعات کا کوئی فوجی حل نہیں، ان مسائل کے حل کے لیے مذاکرات ہی واحد راستہ ہیںسرکاری اخبار ایران ڈیلی کو دیے گئے انٹرویو میں عباس عراقچی نے کہا کہ مفاہمتی یادداشت (MoU) کا آرٹیکل 5 واضح ہے، جس کے تحت آبنائے ہرمز سے ٹرانزٹ کے طریقہ کار کا تعین ایران کرے گا۔امریکہ کی جانب سے الگ راستہ اختیار کرنے کا فیصلہ مفاہمتی یادداشت کی شقوں کے مطابق نہیں ہے۔ایران آبنائے ہرمز میں بحری آمدورفت کو جنگ سے پہلے کی سطح پر بحال کرنے کے لیے ضروری انتظامات خود طے کرے گا۔یمن، باب المندب اور دیگر علاقائی مسائل کا کوئی عسکری حل موجود نہیں، ان تنازعات کے حل کے لیے سیاسی مذاکرات ہی مؤثر راستہ ہیں۔باب المندب میں پیش آنے والے واقعات کی جڑیں یمن، سعودی عرب اور خطے کے دیرینہ تنازعات میں ہیں۔یمن کی موجودہ صورتحال کی ذمہ داری ایران پر ڈالنا درست نہیں، بلکہ اس مسئلے کو اس کے وسیع تر علاقائی تناظر میں دیکھنے کی ضرورت ہے۔ایران کے وزیر خارجہ عباس عراقچی نے امریکہ پر سفارت کاری کو نقصان پہنچانے کا الزام عائد کرتے ہوئے کہا ہے کہ ایران نے ہمیشہ سفارت کاری اور مذاکرات کا راستہ اختیار کیا، مگر اس کا جواب بات چیت کے بجائے فوجی حملے کی صورت میں دیا گیا۔امریکہ کی ایران کے خلاف فوجی کارروائی نہ صرف ایران بلکہ بین الاقوامی قانون اور سفارتی اصولوں کی بنیادوں کے لیے بھی خطرہ بن گئی ہے۔تنازعات کے حل کے لیے طاقت کے استعمال کے بجائے مذاکرات اور سفارت کاری ہی مؤثر اور پائیدار راستہ ہیں۔