آزاد کشمیر کا امن خراب کرنے والوں کے خلاف کریک ڈاؤن 72افراد گرفتار

پاکستان نیوز پوائنٹ
آزاد کشمیر میں امن وامان برقراررکھنے کے لیے سکیورٹی کےسخت اقدامات کیے گئے۔ذرائع کے مطابق آزاد کشمیر پولیس نے امن وامان خراب کرنے والوں کے خلاف کریک ڈاؤن کرتے ہوئے72افراد گرفتار کرلیے۔آزاد کشمیر پولیس کا کہنا تھا کہ شرپسند عناصرسےاسلحہ اور دیگرسامان برآمد کر لیا گیا، عوامی املاک کو نقصان پہنچانے والوں کے خلاف کارروائی جاری ہے۔پولیس نے کہا کہ سوشل میڈیا پر اشتعال انگیز مواد پھیلانے والوں پر بھی کڑی نظر رکھی جا رہی ہے، امن خراب کرنے کی کسی کو اجازت نہیں دی جائے گی۔اِسی طرح قانون ہاتھ میں لینے والوں کیخلاف سخت کارروائی کی جائے گی، شہری افواہوں اوراشتعال انگیزی سے گریز کریں اور عوام امن وامان برقراررکھنے کیلئے پولیس سے تعاون کریں۔آزاد کشمیر پولیس نے شرپسند عناصر کو واضح پیغام دیا ہے جب کہ شہریوں کو مشکوک سرگرمیوں کی فوری اطلاع قریبی تھانے کو دینے کی ہدایت جاری کی، حکام کا کہنا تھا کہ علاقے میں شرپسندی بالکل برداشت نہیں کی جائے گی۔