آسٹریلوی حکومت کا عوام کو بڑا ریلیف پیٹرول اور ڈیزل پر ٹیکس آدھا کردیا

پاکستان نیوز پوائنٹ
آسٹریلیا کی حکومت نے بڑھتی ہوئی مہنگائی اور عالمی تیل بحران کے پیش نظر پٹرول اور ڈیزل پر عائد فیول ٹیکس میں 50 فیصد کمی کا اعلان کر دیا ہے۔وزیرِاعظم انتھونی البانیزی کے مطابق یہ اقدام عوام کو فوری ریلیف فراہم کرنے کے لیے کیا گیا ہے، جس کے تحت فیول ایکسائز تقریباً 52.6 سینٹ فی لیٹر سے کم ہو کر 26 سینٹ فی لیٹر رہ جائے گا۔ فیصلے سے پٹرول کی قیمت میں نمایاں کمی متوقع ہے۔حکومت کا کہنا ہے کہ ٹیکس میں یہ کمی عارضی طور پر تقریباً تین ماہ کے لیے ہو گی. جس کا مقصد عالمی سطح پر تیل کی قیمتوں میں اضافے کے اثرات کو کم کرنا ہے۔